Hanes personol
Etholwyd Alun i Gynulliad Cenedlaethol Cymru ym mis Mai 2007. Mae'n dod o
Dredegar a chafodd ei addysg yng Ngholeg Prifysgol Cymru, Aberystwyth. Ar ôl graddio,
cafodd Alun ei ethol yn Llywydd Undeb Cenedlaethol Myfyrwyr Cymru ac yna bu'n
gweithio fel ymgyrchydd dros y Gronfa Natur Fyd Eang (WWF) ac Oxfam. Roedd y
gwaith hwn yn cynnwys prosiectau rhyngwladol yn Rwanda a Gwledydd y Balcan.
Mae Alun hefyd wedi mwynhau gyrfa lwyddiannus gyda Hyder Plc. fel rheolwr
cysylltiadau cyhoeddus, cyn cael ei benodi'n Bennaeth Materion Cyhoeddus yn
Awdurdod Ynni Atomig y DU ac S4C , fel Cyfarwyddwr Materion Corfforaethol. Cyn
cael ei ethol, roedd Alun yn gyfarwyddwr ar ei fusnes ei hun, Bute
Communications. Mae wedi gweithio ar hyd a lled Ewrop a'r Dwyrain Canol ac mae
wedi siarad yn rheolaidd mewn seminarau a chynadleddau rhyngwladol.
Cefndir proffesiynol
Ers cael ei hethol i'r Cynulliad Cenedlaethol, mae Alun wedi bod yn aelod o
nifer o wahanol bwyllgorau ac wedi cadeirio'r Pwyllgor Darlledu a’r Is-bwyllgor
Datblygu Gwledig. Mae wedi ymgyrchu dros faterion lleol a chenedlaethol o
broblemau band eang a mynediad at drafnidiaeth gyhoeddus i dlodi, amddifadedd a
gwella gwasanaethau cyhoeddus.
Hanes gwleidyddol
Ar ôl ei ailethol i Gynulliad Cenedlaethol Cymru ym mis Mai 2011, cafodd
Alun ei benodi'n Ddirprwy Weinidog Amaethyddiaeth, Bwyd, Pysgodfeydd a
Rhaglenni Ewropeaidd ac, ym mis Mawrth 2013, cafodd ei benodi’n Weinidog dros
Adnoddau Naturiol a Bwyd
Ym mis Mai 2016 cafodd Alun ei ail-ethol yn Aelod Cynulliad dros Flaenau
Gwent a’i benodi’n Weinidog dros Addysg Gydol Oes a'r Iaith Gymraeg.
