Prif ddiddordebau a chyflawniadau
Yr economi,
iechyd, addysg a materion gwledig. Gweithio ar ran pobl Canol De Cymru i wella
eu bywydau bob dydd.
Hanes personol
Ganed Andrew yn
y Bont-faen a chafodd ei addysg yn Ysgol Gynradd Llanfair, Ysgol Sant Ioan,
Balfour House a Choleg Wycliffe. Mae'n briod â Julia ac mae ganddynt bedwar o
blant.
Cefndir proffesiynol
Y gymuned
fusnes yw cefndir Andrew - fel partner ym musnes ffermio'r teulu ger y
Bont-faen ym Mro Morgannwg.
Ef yw Llywydd
Clwb Ffermwyr Ifanc Llantrisant a chyn-Gadeirydd Cymunedau Creadigol, sefydliad
sy'n ceisio datblygu cymunedau mewn ffordd strwythurol.
Mae'n
llywodraethwr oes ar Gymdeithas Amaethyddol Frenhinol Cymru ac yn aelod o'r
NFU.
Yn 2016, daeth
yn Llywydd Cymdeithas Amaethyddol Bro Morgannwg.
Hanes gwleidyddol
Ymunodd Andrew
â'r Ceidwadwyr Cymreig ym 1997, gan sefyll fel ymgeisydd seneddol yng
Ngorllewin Caerdydd yn 2001 ac ym Mrycheiniog a Sir Faesyfed yn 2005. Cafodd ei
ethol yn 2007 ar restr ranbarthol Canol De Cymru a chafodd ei ail-ethol i'r
Pedwerydd Cynulliad yn 2011 a'r Pumed Cynulliad yn 2016.
Mae Andrew
wedi bod yn Weinidog Cysgodol dros Drafnidiaeth, Addysg ac Iechyd i'r
Ceidwadwyr. Mae ei ddiddordebau gwleidyddol yn cynnwys addysg, yr economi,
iechyd a materion gwledig.
Etholwyd
Andrew yn Arweinydd y Ceidwadwyr Cymreig yn 2011.
