Prif ddiddordebau a chyflawniadau
Mae
diddordebau gwleidyddol Andrew yn cynnwys yr economi, addysg, iechyd a materion
gwledig.
Hanes personol
Dyn teulu,
ffermwr a hyrwyddwr cymunedol lleol. Ac Aelod o'r Senedd dros Fro Morgannwg a
Phen-y-bont ar Ogwr. Ganwyd Andrew ym 1968. Mae'n briod â Julia ac mae ganddynt
bedwar o blant. Mae'n gyn-lywydd Clwb Ffermwyr Ifanc Llantrisant ac yn
gadeirydd sefydlol Cymunedau Creadigol ym Mro Morgannwg. Mae hefyd yn
llywodraethwr oes Cymdeithas Amaethyddol Frenhinol Cymru, ac yn 2016
gwasanaethodd fel llywydd Cymdeithas Amaethyddol Dyffryn Morganwg.
Cefndir proffesiynol
Mae Andrew yn
dod o gefndir ffermio, ac mae'n parhau i fod yn bartner gweithredol yn fferm ei
deulu yn Llantriddyd ym Mro Morganwg.
Hanes gwleidyddol
Safodd Andrew
dros y Ceidwadwyr fel ymgeisydd Seneddol yng Ngorllewin Caerdydd yn etholiad
cyffredinol 2001, ac yn Aberhonddu a Sir Faesyfed yn etholiad cyffredinol 2005.
Cafodd ei
ethol gyntaf i Gynulliad Cenedlaethol Cymru ar y pryd ar restr ranbarthol Canol
De Cymru yn 2007. Yn ystod tymor y Cynulliad hwnnw, daliodd swyddi gweinidogol
yr wrthblaid dros drafnidiaeth, addysg ac iechyd. Etholwyd Andrew yn Arweinydd
Grŵp Ceidwadwyr Cymru yn y Senedd gan aelodau'r blaid yng
Nghymru yn 2011. Gwasanaethodd yn y rôl honno hyd at fis Mehefin 2018.
Yn 2019,
enillodd Andrew is-etholiad i Gyngor Bro Morganwg ar gyfer ward y Rhws ar
ymgyrch yn gwrthwynebu cau Ysgol Gynradd Llancarfan.
Yn ystod ei
gyfnod fel cynghorydd, rhoddodd Andrew ei gyflog i brosiectau cymunedol ar
draws ei ward, gan gynnwys: arian tuag at ddiffibrilwyr allanol awtomataidd
cymunedol, adfer pwll Fonmon, cefnogaeth i Lyfrgell Gymunedol y Rhws, goleuadau
Nadolig cyhoeddus yn y Rhws, cyllid ar gyfer digwyddiadau allgymorth i
drigolion oedrannus a phrosiectau lleol eraill.
Ym mis Ionawr
2021 dychwelodd i rôl Arweinydd Grŵp Ceidwadwyr Cymru yn
y Senedd, ac roedd yn y swydd honno hyd at fis Rhagfyr 2024. Ym mis Mai 2026,
ail-etholwyd Andrew i'r Senedd, o dan y system etholiadol newydd, fel Aelod
dros Fro Morgannwg a Phen-y-bont ar Ogwr.system etholiadol newydd, fel Aelod
dros Fro Morgannwg a Phen-y-bont ar Ogwr.
