Rwy’n hynod falch a diochgar am gael fy ethol i wasanaethu cymunedau ledied
Gogledd Cymru fel eich Aelod o’r Senedd.
Byddaf yn gweithio’n galed I ad-dalu’r ymddiriedaeth rydych chi wedi’i
dangos ynof i. Os gallaf wneud unrhyw beth I helpu, mae croes I chi anfon
e-bost ataf yn Carolyn.Thomas@Senedd.Cymru
Prif ddiddordebau a chyflawniadau
Fy mhrif ddiddordebau yw'r amgylchedd naturiol, priffyrdd a chludiant,
gwastraff ac ailgylchu, plant a phobl ifanc, cyfiawnder cymdeithasol a thegwch.
Hanes personol
Rwy'n briod ac yn fam i dri oedolyn ifanc, yn nain ac yn berchennog
ci. Yn fy amser hamdden byddaf yn
mwynhau cerdded yng nghefn gwlad, crwydro o amgylch trefi hanesyddol ac yfed
cwrw go iawn.
Cefndir proffesiynol
Rwyf wedi gweithio mewn amrywiaeth o swyddi wrth fagu fy nheulu. Yn fy
swydd ddiweddaraf, roeddwn i’n gweithio fel postferch a, chyn hynny, fel clerc
swyddfa’r post. Yn ystod yn fy ugeiniau
cynnar, roeddwn i’n byw yn yr Eidal. Yn
ystod y deng mlynedd diwethaf, rwyf wedi trefnu digwyddiadau yn y gymuned a
digwyddiadau i godi arian i elusennau ac wedi cynhyrchu'r cylchlythyrau lleol.
Hanes gwleidyddol
Cyn cael fy ethol yn Aelod o’r Senedd, fi oedd Dirprwy Arweinydd Cyngor Sir
y Fflint ac roeddwn i hefyd yn Aelod
Cabinet dros Wasanaethau Stryd a Chefn Gwlad. Rwyf wedi bod yn Gynghorydd yng Nghyngor Sir
y Fflint ers 2008 ac rwyf hefyd wedi cynrychioli dwy ward fel cynghorydd tref a
chymuned, sef Llanfynydd a Threuddyn.
Rwyf wedi bod yn arweinydd grŵp gwleidyddol, yn Gadeirydd Pwyllgor ac yn
Arweinydd Dinesig (Cadeirydd / Maer) y Cyngor.
Ymunais â’r blaid Lafur i ymladd yn erbyn mesurau cyni a’u heffaith ar
wasanaethau cyhoeddus, ac rwyf hefyd wedi tynnu sylw at effaith ddinistriol
credyd cynhwysol ac anghyfiawnder cymdeithasol.
Ymgyrchoedd
Fel Cynghorydd Sir rwyf wedi ymgyrchu dros wasanaethau bysiau cyhoeddus,
buddsoddi mewn cyllid priffyrdd, y gwasanaeth cerdd, llefydd chwarae i blant, y
blynyddoedd cynnar a’r amgylchedd naturiol.
