Hanes gwleidyddol
Etholwyd Sam i gynrychioli rhanbarth etholiadol Gogledd Cymru yn Etholiad
Senedd Cymru yn 2021. Roedd wedi sefyll yn etholaeth Dyffryn Clwyd yn etholiad
2016, pan sicrhaodd y gogwydd mwyaf i’r Blaid Geidwadol yng Nghymru. Ar ôl ei
ethol, penodwyd Sam yn Weinidog yr Wrthblaid dros Lywodraeth Leol gan ei blaid.
Fe’i penodwyd yn Ysgrifennydd Cabinet yr Wrthblaid dros Gyllid, Trafnidiaeth a
Seilwaith ym mis Mai 2025.
Mae Sam yn aelod o Bwyllgor Cyllid Senedd Cymru. Hefyd, gosododd Fil Aelod
ar Addysg Awyr Agored ym mis Tachwedd 2023, a fyddai wedi sicrhau taith addysg
awyr agored breswyl oddi cartref i bob plentyn yng Nghymru ar ryw adeg yn ystod
eu gyrfa addysgol. Cyn ei ethol, bu Sam
yn Arweinydd Cyngor Bwrdeistref Sirol Conwy rhwng 2019 a 2021 a bu’n gweithio
fel Rheolwr Risg Credyd i HSBC rhwng 2009 a 2019.
Cafodd Sam ei ethol i Gyngor Bwrdeistref Sirol Conwy a Chyngor Tref
Abergele am y tro cyntaf yn 2008, a chamodd yn ôl cyn yr etholiadau llywodraeth
leol yn 2022. Gwasanaethodd fel Maer Abergele rhwng 2015 a 2016, yr ieuengaf
erioed i gyflawni’r rôl.
