Hanes gwleidyddol
Etholwyd Sam i gynrychioli etholaeth Fflint Wrecsam yn etholiadau Senedd
Cymru 2026. Cafodd ei ethol yn flaenorol i gynrychioli rhanbarth Gogledd Cymru
yn etholiad 2021, a safodd dros etholaeth Dyffryn Clwyd yn etholiad 2016, lle
sicrhaodd y symudiad mwyaf i'r Blaid Geidwadol yng Nghymru.
Ar ôl etholiad 2021, penodwyd Sam yn Weinidog yr Wrthblaid ar gyfer y Blaid
Geidwadol dros Lywodraeth Leol yng Nghymru.
Yna cafodd ei benodi yn Ysgrifennydd Cabinet yr Wrthblaid dros Gyllid,
Trafnidiaeth a Seilwaith ym mis Mai 2025. Ar ôl cael ei ail-ethol i'r Senedd yn
2026, mae Sam wedi cael ei benodi'n Weinidog yr Wrthblaid ar gyfer y Blaid
Geidwadol dros Addysg, Teuluoedd a'r Cyfansoddiad.
Etholwyd Sam yn Gadeirydd y Pwyllgor Cyllid yn 2026. Mae Sam hefyd yn aelod
o'r Pwyllgor Blynyddoedd Cynnar, Plant, Pobl Ifanc ac Addysg ar hyn o bryd.
Hefyd, cyflwynodd Fil Aelod ar Addysg Awyr Agored ym mis Tachwedd 2023, a
fyddai wedi gwarantu taith addysg awyr agored breswyl i ffwrdd o’r cartref i
bob plentyn yng Nghymru ar ryw adeg yn ystod eu haddysg.
Cyn ei ethol, Sam oedd Arweinydd Cyngor Bwrdeistref Sirol Conwy rhwng 2019
a 2021. Bu'n gweithio fel Rheolwr Risg Credyd i HSBC rhwng 2009 a 2019.
Etholwyd Sam i Gynghorau Bwrdeistref Sirol Conwy a Thref Abergele gyntaf yn
2008, a safodd i lawr yn Etholiadau Llywodraeth Leol 2022. Gwasanaethodd fel Maer ieuengaf erioed
Abergele rhwng 2015 a 2016.
