Mae gan Tom
swyddfa hefyd yn:
80 High Street,
Gorseinon
SA4 4BL
Prif ddiddordebau
Mae blaenoriaethau Tom yn cynnwys cryfhau cynnig Cymru ym maes twristiaeth,
hyrwyddo diwylliant Cymru a chefnogi chwaraeon ar lawr gwlad.
Mae gan Tom ddiddordeb brwd ym myd addysg, yn sgil y ffaith ei fod wedi
gweithio fel Cynorthwyydd Cymorth Dysgu mewn ysgol gynradd Gymraeg. Mae ganddo
ddiddordeb mawr hefyd yn strwythurau a datblygiadau ym maes llywodraeth leol, a
bu’n arwain Grŵp
y Ceidwadwyr yng Nghyngor Pen-y-bont ar Ogwr am 4 blynedd.
Hanes personol
Magwyd Tom ym Mhenllergaer, Abertawe, ac yn Rhydaman, Sir Gaerfyrddin, gan
fod ei rieni wedi gwahanu. Graddiodd Tom o Brifysgol Abertawe gyda chymhwyster
BA mewn Hanes a Gwleidyddiaeth yn 2013. Parhaodd i fyw yn Abertawe am nifer o
flynyddoedd cyn symud i Ben-y-bont ar Ogwr yn 2016.
Cefndir proffesiynol
Mae Tom – sy'n siaradwr Cymraeg ail iaith – wedi cael amrywiaeth o rolau yn
ystod ei fywyd proffesiynol. I ddechrau, daeth yn Gynorthwyydd Cymorth Dysgu
mewn ysgol gynradd Gymraeg. Aeth yn ei flaen wedyn i gwblhau ei astudiaethau ym
Mhrifysgol Abertawe. Ar ôl graddio, aeth i weithio fel Swyddog Cyswllt
Cymunedol yn ei ranbarth, sef Gorllewin De Cymru, cyn trefnu ymgyrchoedd a
gweithio gyda gwirfoddolwyr yn Abertawe a Phen-y-bont ar Ogwr. Cyn cael ei
ethol yn Aelod o’r Senedd dros Orllewin De Cymru, roedd Tom yn gweithio fel
Rheolwr Swyddfa ar gyfer yr Aelod Seneddol lleol.
Hanes gwleidyddol
Cyn cael ei ethol i'r Senedd yn 2021, cafodd Tom ei ethol yn ward Brackla i
wasanaethu ar Gyngor Bwrdeistref Sirol Pen-y-bont ar Ogwr yn 2017, lle bu’n
arwain grŵp
y Ceidwadwyr ar y cyngor. At hynny, bu’n cadeirio Pwyllgor Craffu Addysg Cyngor
Bwrdeistref Sirol Pen-y-bont ar Ogwr, gan wneud gwaith goruchwylio a gwaith
craffu ar gyllideb addysg y cyngor, sy’n gyllideb gwerth miliynau o bunnoedd.
Ar ôl cael ei ethol i’r Senedd, cafodd Tom ei benodi’n llefarydd grŵp y Ceidwadwyr Cymreig ar ddiwylliant,
twristiaeth a chwaraeon, ac yn rhinwedd y rôl honno, mae’n parhau i hyrwyddo busnesau a sefydliadau
lleol.
