Dweud eich dweud, Gogledd Cymru
16 Hydref 2009
Bydd bws teithio Cynulliad Cenedlaethol Cymru yn mynd allan ar y ffordd eto ac rydym eisiau clywed gennych chi.
Bydd yn ymweld â’r naw etholaeth o fewn rhanbarth gogledd Cymru dros y mis nesaf ac yn rhoi cyfle i bobl ganfod sut mae’r Cynulliad yn gweithio a beth y gall ei wneud i wella eu bywydau.
Gall ymwelwyr ddysgu mwy am eu Haelodau Cynulliad lleol a’r ymchwiliadau niferus y mae pwyllgorau craffu a phwyllgorau deddfwriaeth y Cynulliad yn eu cynnal ar hyn o bryd.
Bu’r bws yn teithio o gwmpas Gogledd Cymru ers iddo gael ei lansio ym mis Mai, gan roi cyfle i bobl mewn cymunedau anghysbell ymgysylltu â’r Cynulliad. Mae’n cynnal sesiynau pwyllgor a gall gasglu tystiolaeth fideo gan awdurdodau a’r cyhoedd i’w defnyddio mewn ymchwiliadau pwyllgor.
Mae hefyd yn ymweld ag ysgolion i hysbysu disgyblion ynghylch gwaith y Cynulliad a’r broses ddemocrataidd yng Nghymru.
Nodiadau i’r golygyddion:
Dyma amserlen lawn taith bws y Cynulliad:
20 Hydref – Conwy – maes parcio Stryd Rosehill
21 Hydref – Abergele – maes parcio’r llyfrgell
24/25 Hydref – Gwledd Conwy
28 Hydref – Caernarfon - Y Maes
29 Hydref – Llangefni – maes parcio neuadd y dref
3 Tachwedd – Llangollen – maes parcio Stryd y Farchnad
10 Tachwedd - Wrecsam - Sgwâr y Frenhines
17 Tachwedd – Rhyl – maes parcio Ffordd Morley
24 Tachwedd – Queensferry – maes parcio Asda
25 Tachwedd – Yr Wyddgrug – maes parcio Stryd Newydd
Bydd y bws yn agored i ymwelwyr rhwng 10am a 4pm.
Dylai unrhyw un sydd am gael rhagor o wybodaeth ym mws Cynulliad Cenedlaethol Cymru anfon e-bost at OutreachBus@wales.gsi.gov.uk neu ffonio 0845 010 5500.