Nodi dechrau Cynulliad y Cymunedau yn y Senedd

6 Mehefin 2011

Bydd cynrychiolwyr o wahanol gredoau, diwylliannau a chymunedau yn cymryd rhan mewn digwyddiad yn y Senedd ar 6 Mehefin, ar noswyl agoriad swyddogol Cynulliad Cenedlaethol Cymru.

Bydd Gwylnos y Byrllysg yn dathlu amrywiaeth cymunedau Cymru ac yn galw am well dealltwriaeth rhwng carfannau ein cymdeithas ledled y wlad.

Bydd yr wylnos hefyd yn nodi dechrau Cynulliad y Cymunedau, sef un o brif amcanion Cynulliad Cenedlaethol Cymru dros y pum mlynedd nesaf.

Dywedodd Rosemary Butler AC, Llywydd y Cynulliad: “Mae’r Cynulliad newydd yn cynrychioli cymunedau ledled y wlad.”

“Nid yw hyn wedi ei gyfyngu ar sail ddaearyddol. Yr wyf am i’r pedwerydd Cynulliad ymwneud yn uniongyrchol â chymunedau ar draws y wlad. Ni fydd ffiniau daearyddol yn cyfyngu’r gwaith, oherwydd caiff pob mudiad diwylliannol a phob grwp buddiant a demograffig eu cynnwys. Ni ddylai neb yng Nghymru deimlo nad oes ganddynt lais yn y broses.

“Os oes gan bobl faterion sy’n effeithio ar eu tref, pentref neu gymuned, yr wyf am iddynt wybod fy mod i a fy nghyd-Aelodau yn y Cynulliad yma i’w cynrychioli, ac rydym am glywed yr hyn sydd ganddynt i’w ddweud am y materion sydd o bwys iddynt. Diben Gwylnos y Byrllysg yw nodi dechrau’r ymrwymiad hwnnw.”

Bydd rhai o aelodau blaenllaw cymunedau Cymru yn cyfrannu drwy gyfrwng areithiau, darlleniadau ac emynau.

Rhaglen

Y Croeso

Gwahoddir pawb i sefyll wrth i osgordd yr Wylnos arwain y Llywydd, y Dirprwy Lywydd, ac arweinwyr pleidiau’r Cynulliad i’w seddau, o flaen y byrllysg.

Yr Azaan gan Sheikh Yaqub Kutkut

Myfyrdod ar Ffydd a Chred

Cymuned o’r Cread

Darllenir hanes y creu o Genesis 1: 1-5, yn yr iaith Hebraeg gan Diana Soffa o’r gymuned Iddewig.

Dawns o’r ffilm Naya Daur o 1957, wedi’i pherfformio gan aelodau Sanatan Dharma Mandal a Chanolfan Gymunedol Hindwaidd Caerdydd.

Shabad neu emyn wedi’i ddarllen gan Surinder Channa o’r gymuned Sicaidd.

Darlleniad o’r ffydd Bahaiaidd gan Kathryn Delpak MBE

“Tydi a Roddaist” – emyn wedi’i ganu gan Mark Rowland.

Cymuned o Daith y Ddynoliaeth

Darlleniadau gan:

• Monsignor Robert Reardon

• Y Parchedig Gareth Morgan Jones

• Y Parchedig Elfed Godding

• Alan Schwartz MBE

• Saleem Kidwai OBE

• Naran Patel

• Kathryn Delpak MBE

• Surinder Channa

Dorje Tsig-dün – saith adnod hanfodol y Padmasambhava a gaiff eu canu gan Ngakma Nor’dzin Pamo a Ngakpa ‘ö-Dzin Tridral

Myfyrdod ar greu a chynnal cymuned dan ofal y Parchedig Alan Bayes, Cadeirydd Cyngor Rhyng-ffydd Cymru.

Cymuned o Hawl Ddynol yr Unigolyn

Cipolwg ar ein hanes gan Elisa Morris, Nadia Hassan a Bedwyr ap Ion, tri aelod o brosiect “Cymru’n Cyd-dynnu” Ysgol Plasmawr, Caerdydd.

Ashokan Farewell – wedi’i berfformio gan Gerddorfa Salon y Llu Awyr Brenhinol

Ymrwymiadau

Kate Bennett, Cyfarwyddwr Cenedlaethol Cymru ar y Comisiwn Cydraddoldeb a Hawliau Dynol fydd yn adrodd yr Ymrwymiad Statudol.

Michelle Matheron o Gyngor Gweithredu Gwirfoddol Cymru a chorff Public Affairs Cymru fydd yn adrodd yr Ymrwymiad Sifil.

Ymrwymiad y Llywydd

Nimrod – wedi’i berfformio gan Gerddorfa Salon y Llu Awyr Brenhinol

Anfon Allan

Hen Wlad fy Nhadau

Y Fendith – yng ngofal y Parchedicaf Ddr Barry Morgan, Archesgob Cymru.

Cedwir Byrllysg Cymru yn y Siambr pan fydd Cynulliad Cenedlaethol Cymru yn cwrdd. Wedi’i wneud o aur, arian a phres, gwelir arwyddlun swyddogol y Cynulliad Cenedlaethol ar ei ben uchaf. Rhodd gan Senedd De Cymru Newydd oedd y byrllysg adeg agoriad swyddogol y Senedd, yng Nghaerdydd ar Ddydd Gwyl Dewi 2006, ac mae’n arwydd o ddeddfwrfa y mae disgwyl iddi, yn ei gwaith:

• hyrwyddo datblygu cynaliadwy

• rhoi sylw priodol i’r egwyddor o roi cyfle cyfartal i bawb

• a chynnal hawliau dynol.