Heddiw, cymeradwyodd yr Aelodau o’r Senedd enwau a chylch gwaith pwyllgorau’r chweched Senedd.
Mae gan y pwyllgorau nifer o swyddogaethau, gan gynnwys craffu ar wariant a pholisïau Llywodraeth Cymru, dwyn y Gweinidogion i gyfrif, a chraffu ar ddeddfwriaeth arfaethedig.
Dyma’r pwyllgorau newydd:
- Y Pwyllgor Plant, Pobl Ifanc ac Addysg
- Y Pwyllgor Iechyd a Gofal Cymdeithasol
- Pwyllgor yr Economi, Masnach a Materion Gwledig
- Pwyllgor Newid Hinsawdd, yr Amgylchedd a Seilwaith
- Y Pwyllgor Cydraddoldeb a Chyfiawnder Cymdeithasol
- Y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol
- Y Pwyllgor Llywodraeth Leol a Thai
- Y Pwyllgor Cyllid
- Y Pwyllgor Cyfrifon Cyhoeddus a Gweinyddiaeth Gyhoeddus
- Y Pwyllgor Deddfwriaeth, Cyfiawnder a’r Cyfansoddiad
- Y Pwyllgor Safonau Ymddygiad
- Y Pwyllgor Deisebau
Dylai fod chwe Aelod yn y Pwyllgor Polisi a Deddfwriaeth, a phedwar yn y pwyllgorau arbenigol, ar wahân i’r Pwyllgor Cyfrifon Cyhoeddus a Gweinyddiaeth Gyhoeddus a fydd yn cynnwys pump.
Bydd cadeiryddion y pwyllgorau’n cael eu henwebu a’u hethol ddydd Mawrth 29 Mehefin.
Comisiynwyr y Senedd
Mae'n ofynnol, yn ôl y gyfraith, i'r Senedd benodi Comisiynwyr sy'n gyfrifol am ddarparu'r staff a'r adnoddau y mae eu hangen ar y Senedd i gyflawni ei gwaith yn effeithiol ar gyfer pobl Cymru.
Y Llywydd sy’n cadeirio’r Comisiwn, ac mae’n cynnwys pedwar Aelod sydd wedi’u hethol gan y Senedd.
Yr Aelodau sydd newydd eu hethol yn Ken Skates (Llafur Cymru), Janet Finch-Saunders (Ceidwadwyr Cymreig), Rhun ap Iorwerth (Plaid Cymru) a Joyce Watson (Llafur Cymru).