Ymweld â ni

Croeso i'r Senedd

Dysgwch am arddangosfeydd, gweithgareddau, teithiau a digwyddiadau sy’n digwydd yn y Senedd a'r Pierhead.

Yr amseroedd agor - y Senedd a'r Pierhead

Dydd Llun - Dydd Gwener: 09.00 - 16.30

Dydd Sadwrn a gwyliau banc: 10.30 - 16.30

Ceir mynediad hyd at 16.00

Noder:

Mae'r adeilad ar agor cyn ac ar ôl yr amseroedd agor arferol i ymwelwyr sy'n dod i wylio'r Cyfarfod Llawn, cyfarfodydd pwyllgor a busnes arall y Senedd.

Rydym yn edrych ymlaen at agor Oriel Wylio'r Siambr pan fydd y gwaith i ehangu'r Siambr wedi'i gwblhau. Yn ystod y cyfnod hwn, tra ei bod ar gau, bydd yr Aelodau yn cyfarfod ar gyfer y Cyfarfod Llawn yn Siambr Hywel. Mae hyn yn golygu y bydd y capasiti i wylio'r Cyfarfod Llawn yn is, a bydd llwybr y teithiau yn wahanol i'r arfer.

Mynediad am ddim

Ble gallaf ddod o hyd i wybodaeth am newidiadau o ran Aelodau, y system bleidleisio, a’r etholaethau newydd ar gyfer etholiad 2026?

Beth sy'n digwydd

Cyfarfodydd
Digwyddiadau
Pwyllgorau
Cyfarfod llawn
Arddangosfeydd

Gweld calendr llawn

Tiger Bay a’r Dociau: 1880au – 1950au

Ar y cyd â’r Heritage and Cultural Exchange, mae tair arddangosfa newydd wedi’i llunio yn y Pierhead i roi cipolwg ar fywyd ym Mhorth Teigr a’r dociau o’r 1880au i’r 1950au.

Cafodd y cerflun o Granogwen, a grëwyd gan y Cerflunydd Sebastien Boyesen, ei ddadorchuddio yn Llangrannog gan blant y pentref ar 10 Mehefin 2024.

Monumental Welsh Women

Sefydliad dielw yw Monumental Welsh Women sydd â’r nod o sicrhau bod cyfraniad menywod i hanes a bywyd Cymru yn cael ei gydnabod. Yn 2016, dechreuodd y grŵp ymgyrchu i godi pum cerflun o fenywod nodedig o Gymru mewn gwahanol leoliadau o amgylch Cymru. Dyddiadau: 22 Chwefror - 7 Mai 2025.

Celf Fotanegol: Dyfodol Byd-eang o'n Planhigion Treftadaeth Leol

Fel rhan o Ddiwrnod Celfyddyd Fotanegol Fyd-eang (BAWW) ar 18 Mai 2025, mae Cymdeithas Darlunwyr Botanegol Cymru (WSBI) yn falch o gyflwyno’r arddangosfa hon sy’n dathlu ein planhigion treftadaeth lleol. Dyddiadau: 17 Ebrill – 28 Mai 2025.

Archwiliwch bob arddangosfa

Siop y Senedd a Chaffi

Llwyfan ar gyfer rhagoriaeth gydag amrywiaeth o gynhyrchion sy’n dod o Gymru ac sydd wedi’u cynhyrchu yng Nghymru.

Gweithgareddau i blant

Mae gan y Senedd le chwarae i blant sy’n llawn teganau, adnoddau chwarae synhwyraidd a map mawr o Gymru. Mae gennym hefyd amrywiaeth o weithgareddau i blant yn ystod gwyliau’r ysgol, a llwybr archwilio'r Senedd i ddiddanu'r rhai bach drwy'r flwyddyn.

Tywysydd yn tywys pobl ar daith o amgylch y Senedd

Teithiau a Sgyrsiau yn y Senedd

Mae nifer o deithiau a sgyrsiau ar gael yn y Senedd, sy’n cyfoethogi’r profiad o ymweld â’r sefydliad ac yn rhoi cyfle i chi ddysgu mwy amdano.

Mwy o weithgareddau

Adeiladau'r Senedd

Y Senedd

Hafan y pwyllgorau a phrif fusnes y Senedd, gan gynnwys Cyfarfodydd Llawn

Y Pierhead

Hen swyddfa'r harbwrfeistr yng nghanol Bae Caerdydd

Tŷ Hywel

Swyddfa'r Senedd lle y mae’r Aelodau a Staff Comisiwn y Senedd yn gweithio

Swyddfa Gogledd Cymru

Mae Swyddfa Gogledd y Senedd yn Sarn Mynach, Cyfordd Llandudno.

Wedi'i gynllunio gan Rogers Stirk Harbour a’i Bartneriaid, mae'r adeilad hwn yn ymgorffori’r gwerthoedd democrataidd o fod yn agored, a chyfranogi.

Mae tryloywder yr adeilad yn caniatáu i chi fwynhau llawer ohono o'r tu allan, ond dewch i mewn i ddysgu rhagor am sut mae Senedd Cymru yn cynrychioli pobl Cymru.

Crwydro eich Senedd

Mae'r Pierhead yn fan cyfarfod unigryw i bobl Cymru ac yn darparu ar gyfer ymwelwyr, digwyddiadau a chynadleddau. Mae'n lle i fynegi barn a rhoi llais i faterion sydd o bwys i chi fel unigolion, cymunedau neu sefydliadau.

Crwydro'r Pierhead

Dyma ein swyddfa ym Mae Caerdydd lle y mae’r Aelodau, eu Staff Cymorth a staff Comisiwn y Senedd yn gweithio.

Mae dwy bont yn ei chysylltu â'r Senedd i roi mynediad hwylus i'n hystafelloedd busnes allweddol - ond mae Tŷ Hywel hefyd yn hafan i ddwy o'r ystafelloedd pwyllgora, llawer o ystafelloedd cyfarfod a'n hystafell addysg sy'n cynnwys yr hen siambr ddadlau, sef Siambr Hywel erbyn hyn.

Mae mynediad i Dŷ Hywel wedi’i gyfyngu i ddeiliaid pasys, ymwelwyr ag apwyntiad, ac ymwelwyr sydd am wylio’r trafodion yn ystafelloedd pwyllgora pedwar a phump.

Crwydro Tŷ Hywel

Mae Swyddfa Gogledd y Senedd yn Sarn Mynach, Cyfordd Llandudno. Mae’r swyddfa ar y llawr gwaelod ac mae ar agor i'r cyhoedd trwy apwyntiad rhwng 10:00 a 12.00 a rhwng 14:00 a 16:00 o ddydd Llun i ddydd Gwener.

Mae croeso i ymwelwyr alw heibio yn ystod yr oriau uchod i gael gwybodaeth am waith y Senedd ac mae aelodau staff ar gael i ymdrin âg ymholiadau. Mae nifer o gyhoeddiadau hefyd ar gael.

Cysylltwch â ni i wneud apwyntiad i ymweld â'n swyddfa.

Crwydro Swyddfa’r Senedd yng Ngogledd Cymru

Efallai y bydd gennych ddiddordeb hefyd

Cynlluniwch eich Ymweliad

Mae'n hawdd dod o hyd i ystâd y Senedd. Gallwch gyrraedd yn y car, ar y trên, mewn bws, neu ar feic.

Ymgysylltu â'r Senedd ar-lein

Dysgwch am yr hyn sy'n digwydd yn eich Senedd a sut i ymgysylltu â hi ar-lein.

Chwilio am Aelodau o’r Senedd

Chwilio am Aelodau yn ôl etholaeth, rhanbarth neu blaid.

Llofnodi deiseb

Pan fyddwch chi'n llofnodi deiseb, rydych chi'n dangos eich cefnogaeth. Rydych chi'n cefnogi eraill sy'n teimlo yr un peth â chi ynglŷn â'r mater. Wrth ymchwilio a rhannu, rydych chi'n dod ynghyd fel cymuned i wneud i rywbeth ddigwydd.