Siop a Chaffi’r Senedd
Y Siop
Llwyfan ar gyfer rhagoriaeth gydag amrywiaeth o gynhyrchion sy’n dod o Gymru ac sydd wedi’u cynhyrchu yng Nghymru.
O anrhegion pwrpasol i ddetholiad o lyfrau, printiau unigryw a chardiau post, mae digon o bethau arbennig i'ch atgoffa o'ch ymweliad.
Y Caffi
Eisteddwch yn ôl a mwynhewch olygfeydd gwych o Fae Caerdydd wrth fwynhau paned o goffi! Mae ein caffi yn cynnig amrywiaeth o ddiodydd poeth ac oer, brechdanau, cacennau a byrbrydau.
Lle bo'n bosibl, rydym yn darparu ar gyfer unrhyw anghenion deietegol. Siaradwch ag aelod o staff yn ystod eich ymweliad a fydd yn hapus i helpu, neu cysylltwch â ni os oes gennych ymholiad penodol cyn eich ymweliad.
Addas i'r Teulu
Caffi’r Senedd yw’r lleoliad cyntaf, a’r unig un, yng Nghymru i gael ei achredu â Safon Caffi Teuluol Kids in Museums. Mae’r Safon Caffi Teuluol yn feincnod sy’n cydnabod caffis mewn amgueddfeydd ac atyniadau diwylliannol sy’n wych ar gyfer teuluoedd ac yn estyn croeso cynnes i bawb.
- Croesewir bwydo ar y fron a bwydo gyda photeli.
- Mae toiled Changing Places a chyfleusterau newid babanod ar gael.
- Mae'r Caffi yn cynnig cynhesu poteli a dŵr i ail-lenwi poteli, ac mae cadeiriau uchel ar gael.
- Mae dwy ystafell dawel ar gael, gofynnwch i aelod o staff am fynediad i'r rhain neu os oes unrhyw beth y gallwn ei wneud i'ch gwneud yn fwy cyfforddus.
- Rydym wedi datblygu'r dudalen hon i gefnogi ymwelwyr ag awtistiaeth.
Ardal Chwarae a Gweithgareddau
Mae gan y Senedd ardal chwarae i blant, sy’n llawn teganau, adnoddau chwarae synhwyraidd a map mawr o Gymru. Mae wedi’i leoli ger y Caffi.
Codwch lyfryn gweithgareddau Llwybr Darganfod y Senedd am ddim. Wedi'i anelu at blant 5–12 oed, mae'r llwybr yn tynnu sylw at nodwedd bwysig yn yr adeilad.
