Mae’r Cawcws yn cynnwys pob menyw sy’n Aelod o’r Senedd, dan gadeiryddiaeth Joyce Watson AS a Grŵp Llywio o gynrychiolwyr o bob plaid.
Cawcws Menywod y Senedd
Mae Cawcws Menywod y Senedd, sy’n fforwm trawsbleidiol i Aelodau, yn dod â seneddwragedd o bob plaid at ei gilydd i ddarparu cymorth gan gymheiriaid ac i hybu cydraddoldeb rhywiol.
Gweledigaeth a Nod
Gweledigaeth a Nod
Ein gweledigaeth
Cymru sy’n gyfartal o ran y rhywiau ac yn gwbl gynhwysol, lle:
- mae pawb yn cael eu grymuso i ymgysylltu â gwleidyddiaeth (fel dinasyddion ac fel cynrychiolwyr etholedig) waeth beth fo'u rhywedd a’u nodweddion gwarchodedig eraill, gan gynnwys statws economaidd-gymdeithasol, ac
- mae polisïau, cyfreithiau, rhaglenni a chyllidebau wedi'u cynllunio i fod yn sensitif i anghenion a phrofiadau amrywiol y boblogaeth.
Ein Cenhadaeth
Dod ag Aelodau benywaidd o’r Senedd at ei gilydd o bob plaid wleidyddol er mwyn:
- gweithio'n bwrpasol i hyrwyddo a chefnogi cyfranogiad menywod mewn gwleidyddiaeth a nodi'r rhwystrau presennol o fewn ein system seneddol.
- datblygu a hyrwyddo polisi ac ymarfer sy'n mynd i'r afael â materion sy'n effeithio ar ein seneddwyr benywaidd a’n cymdeithas.
- bwrw ymlaen ag agenda’r Cawcws y cytunwyd arni o fewn pleidiau gwleidyddol a meysydd dylanwad eraill y Senedd.
Gall y Cawcws gymryd rhan mewn ystod eang o weithgareddau wrth geisio cael gwared ar rwystrau i gyfranogiad effeithiol mewn gwleidyddiaeth a gwella cydraddoldeb o fewn y Senedd ac mewn cymdeithas, a hynny mewn modd blaengar.
Digwyddiad mwyaf diweddar
Lle i ni - Diwrnod Menywod yn y Senedd
Roedd y Cawcws yn falch o gefnogi digwyddiad arbennig yn y Senedd ar 21 Hydref 2021. Trefnwyd y digwyddiad mewn partneriaeth â WEN Wales a Elect Her, er mwyn hybu a chysylltu’r genhedlaeth nesaf o fenywod mewn gwleidyddiaeth yng Nghymru. Cynhaliwyd sesiwn ysbrydoledig yn Siambr y Senedd, sydd ar gael i'w wylio isod, ac yna gweithdai ar weithredu, cymryd y camau cyntaf mewn i wleidyddiaeth, a hunaniaeth a phrofiadau mewn bywyd cyhoeddus. Trwy gydol y dydd, cyfrannodd Aelodau'r Cawcws at sesiynau a chwrdd â menywod o bob rhan o Gymru mewn gwahanol gamau o'u gyrfaoedd gwleidyddol. Mae’r Cawcws yn ddiolchgar i bob un gyfrannodd at y digwyddiad a’i lwyddiant.
Darllenwch fwy gan ein partneriaid yn WEN Wales yma (dolen i'r blog)
Diweddariadau Diweddar
Mwy o wybodaeth
Manylion cyswllt
Cysylltwch â Chawcws Menywod y Senedd
Senedd Cymru,
Bae Caerdydd,
Caerdydd
CF99 1SN
E-bost: llywydd@senedd.wales
Cadeirydd: Joyce Watson AS
Ar gyfer ymholiadau gan y cyfryngau, cysylltwch â Thîm Newyddion y Senedd.