Swyddog Cyfathrebu ac Ymgyrchoedd ar gyfer Alun Davies AS
Ystod cyflog (pro rata): £32,351 - £45,380
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.
Oriau gwaith: 37
Natur y penodiad: Cyfnod penodol tan fis Mai 2026 gyda'r posibilrwydd y caiff y swydd ei gwneud yn un barhaol
Lleoliad: Bae Caerdydd, gyda gwaith achlysurol (un diwrnod yr wythnos fel arfer) ym Mlaenau Gwent
Cyfeirnod: MBS-025-25
Diben y swydd:
Rheoli gwaith sy’n gysylltiedig â’r wasg a’r cyfryngau cymdeithasol ar gyfer yr Aelod, fel sy'n ofynnol, gan sicrhau bod safonau cyfrinachedd yn cael eu cynnal.
Prif ddyletswyddau:
- Sefydlu a datblygu cysylltiadau cadarn â'r wasg, y cyfryngau ar-lein a’r cyfryngau darlledu er mwyn hyrwyddo gwaith yr Aelod.
- Cynllunio a datblygu strategaethau, a threfnu ymgyrchoedd cyfryngau a chyfathrebu digidol.
- Hyrwyddo presenoldeb yr Aelod ar gyfryngau cymdeithasol er mwyn hysbysu etholwyr a rhanddeiliaid am waith yr Aelod yn lleol ac yn y Senedd.
- Cynhyrchu fideos, ffeithluniau ac offer cyfathrebu eraill i'w defnyddio ar y cyfryngau cymdeithasol.
Gwybodaeth a phrofiad hanfodol:
- Profiad o weithio’n effeithiol mewn rôl cyfathrebu/cyfryngau cymdeithasol, megis yn y wasg ysgrifenedig, y diwydiant darlledu neu ar-lein, neu’r sector cysylltiadau cyhoeddus, yn ddelfrydol mewn amgylchedd gwleidyddol neu debyg.
- Profiad o ddatblygu a gweithredu strategaeth gyfathrebu a threfnu ymgyrchoedd yn y cyfryngau a’r cyfryngau cymdeithasol.
- Profiad o ddefnyddio dulliau cyfathrebu digidol a llwyfannau cyfryngau cymdeithasol yn effeithiol.
Cymhwysterau hanfodol:
- Gradd neu gymhwyster cyfatebol mewn pwnc perthnasol; neu
- Gymhwyster ffurfiol, e.e. NVQ lefel 4 neu gymhwyster cyfatebol yn y cyfryngau neu ym maes cyfathrebu.