Lesley Griffiths AS

Gweinidog yr Amgylchedd, Ynni a Materion Gwledig

Prif ddiddordebau a chyflawniadau

Mae Lesley yn aelod o Unsain, Cymdeithas Fabian a Sefydliad Bevan.

Hanes personol

Cafodd Lesley Griffiths ei magu yng ngogledd-ddwyrain Cymru ac mae wedi byw a gweithio yn Wrecsam ers dod yn oedolyn.

Cefndir proffesiynol

Cyn cael ei hethol i Gynulliad Cenedlaethol Cymru, treuliodd Lesley 20 mlynedd yn gweithio yn Ysbyty Maelor Wrecsam.  Bu’n gweithio, hefyd, fel Cynorthwyydd Etholaethol i Ian Lucas, AS Wrecsam.

Hanes gwleidyddol

Etholwyd Lesley Griffiths i Gynulliad Cenedlaethol Cymru ym mis Mai 2007.  Bu’n aelod o’r Pwyllgor Cymunedau a Diwylliant, y Pwyllgor Cynaliadwyedd, y Pwyllgor Archwilio a Phwyllgor Deddfwriaeth Rhif 5.

Ym mis Rhagfyr 2009, cafodd ei phenodi’n Ddirprwy Weinidog dros Wyddoniaeth, Arloesi a Sgiliau. Lesley hefyd a sefydlodd y Grŵp Hosbis Trawsbleidiol, a bu’n Gadeirydd arno.

Ar ôl cael ei hailethol ym mis Mai 2011, cafodd ei phenodi’n Weinidog Iechyd a Gwasanaethau Cymdeithasol. Ym mis Mawrth 2013, cafodd ei phenodi'n Weinidog Llywodraeth Leol a Busnes y Llywodraeth ac, ym mis Medi 2014, fe'i penodwyd yn Weinidog Cymunedau a Threchu Tlodi. Ar ôl cael ei hail-ethol ym mis Mai 2016, penodwyd Lesley yn Ysgrifennydd y Cabinet dros yr Amgylchedd a Materion Gwledig.

Mae ei diddordebau gwleidyddol yn cynnwys iechyd, datblygu economaidd, tai a materion sy'n ymwneud â phlant.