Jayne Bryant AS

Braint yw cael cynrychioli Casnewydd —y ddinas lle cefais fy ngeni a’m magu, y lle rwy’n byw, a lle rwy’n ei garu.

Cefais fy ethol yn AS dros Orllewin Casnewydd gyntaf yn 2016. Cefais fy mhenodi’n Gadeirydd y Pwyllgor Safonau Ymddygiad yn y Bumed Senedd, ac roeddwn yn aelod o’r Pwyllgor Iechyd, Gofal Cymdeithasol a Chwaraeon.

Ar ôl imi gael fy ailethol yn 2021, cefais fy enwebu i gadeirio’r Pwyllgor Plant, Pobl Ifanc ac Addysg yn hon, y Chweched Senedd. Rwyf hefyd yn aelod o’r Pwyllgor Diben Arbennig ar Ddiwygio'r Senedd.

Rwy'n cadeirio'r Grwpiau Trawsbleidiol ar Diabetes, ar Rwystro Plant rhag cael eu Cam-drin yn Rhywiol, ac ar Atal Hunanladdiad, ac rwy’n Is-gadeirydd ar gyfer y Grŵp Trawsbleidiol ar Ddementia.

Drwy gydol fy mywyd gwaith, rwyf wedi ceisio helpu i eirioli dros bobl a’u helpu gyda’u materion a’u problemau. Yng Ngorllewin Casnewydd, rwy'n codi, ac yn ymgyrchu ynghylch, pryderon pobl yn rheolaidd yn ymwneud ag iechyd a llesiant; yr amgylchedd a newid yn yr hinsawdd; trafnidiaeth; a mynd i'r afael ag anghydraddoldeb. Rwy'n angerddol iawn ynghylch annog pobl ifanc i fod yn egnïol ac ymddiddori mewn gwleidyddiaeth. Mae gwleidyddiaeth yn bwysig, a rhaid i bobl ifanc fod wrth wraidd y peth.

Asedau’r Cyfryngau

• Lawrlwytho llun proffil eglur iawn (JPG, 4MB)
• Gwybodaeth am hawlfraint ac amodau defnyddio

Cofrestr Buddiannau

Cofrestr Buddiannau – Y Bumed Senedd (PDF, 3.63MB)