Mae gan Tom
swyddfa hefyd yn:
80 High Street,
Gorseinon
SA4 4BL
Prif ddiddordebau a chyflawniadau
Mae gan Tom ddiddordeb brwd ym myd addysg ac mae ei gefndir yn y maes hwn, ar
ôl gweithio fel Cynorthwyydd Cymorth Dysgu mewn ysgol gynradd Gymraeg. At
hynny, bu’n gadeirydd Pwyllgor Craffu Addysg Cyngor Bwrdeistref Sirol
Pen-y-bont ar Ogwr, gan oruchwylio, a chynnal gwaith craffu ar gyllideb addysg
y Cyngor, sy’n gyllideb gwerth miliynau o bunnoedd. Mae gan Tom ddiddordeb mawr
hefyd yn strwythurau a datblygiad llywodraeth leol, gan y bu’n Arweinydd Grŵp Cyngor ym Mhen-y-bont ar Ogwr am 4
blynedd.
Hanes personol
Magwyd Tom ym Mhenllergaer, Abertawe a Rhydaman, Sir Gaerfyrddin, gan fod
ei rieni wedi gwahanu. Graddiodd Tom o Brifysgol Abertawe gyda BA mewn Hanes a
Gwleidyddiaeth yn 2013, a parhaodd i fyw yn Abertawe am nifer o flynyddoedd cyn
symud i Ben-y-bont ar Ogwr yn 2016, lle mae'n byw gyda'i ddyweddi, Sadie.
Cefndir proffesiynol
Mae Tom – sy'n siaradwr Cymraeg ail iaith – wedi cael amrywiaeth o rolau yn
ystod ei fywyd proffesiynol. I ddechrau, daeth yn Gynorthwyydd Cymorth Dysgu
mewn ysgol gynradd Gymraeg. Aeth yn ei flaen wedyn i gwblhau ei astudiaethau ym
Mhrifysgol Abertawe. Ar ôl graddio, aeth i weithio fel Swyddog Cyswllt
Cymunedol yn ei ranbarth, sef Gorllewin De Cymru, cyn trefnu ymgyrchoedd a
gweithio gyda gwirfoddolwyr yn Abertawe a Phen-y-bont ar Ogwr. Cyn ei ethol yn
Aelod o’r Senedd dros Orllewin De Cymru, roedd Tom yn Rheolwr Swyddfa Aelod
Seneddol Pen-y-bont ar Ogwr.
Hanes gwleidyddol
Cyn cael ei ethol i'r Senedd yn 2021, etholwyd Tom i ward Brackla fel un o
Gynghorwyr Bwrdeistref Sirol Pen-y-bont ar Ogwr yn 2017, lle mae'n arwain y Grŵp Ceidwadol ar y Cyngor.
