Pobl y Senedd

Huw Irranca-Davies AS

Huw Irranca-Davies AS

Aelod Etholaethol o'r Senedd

Llafur Cymru a chydweithredol

Grŵp Llafur Cymru

Ogwr

Fy Ngweithgareddau yn y Senedd

Pa gamau y mae Llywodraeth Cymru yn eu cymryd i fynd i'r afael â phrinder seicolegwyr clinigol (a) yn y ganolfan ffibrosis systig pediatrig a (b) yn y ganolfan ffibrosis systig i oedolion...

Wedi'i gyflwyno ar 14/07/2022

Pa drafodaethau y mae'r Gweinidog wedi'u cael gyda Bwrdd Iechyd Prifysgol Cwm Taf Morgannwg am wasanaethau gofal sylfaenol?

Wedi'i gyflwyno ar 06/07/2022

Pa ymgysylltiad y mae Llywodraeth Cymru wedi'i gael â Llywodraeth y DU ar ddatblygu'r Bil Hawliau?

Wedi'i gyflwyno ar 29/06/2022

Pa asesiad y mae'r Gweinidog wedi'i wneud o effaith Bil Hawliau arfaethedig Llywodraeth y DU ar y fframwaith deddfwriaethol a pholisi yng Nghymru?

Wedi'i gyflwyno ar 29/06/2022

Sut mae Llywodraeth Cymru yn cefnogi'r gwaith o adfywio cymoedd Garw, Ogwr, Llynfi a Gilfach?

Wedi'i gyflwyno ar 16/06/2022

Pa ymgysylltiad a gaiff y Gweinidog â sefydliadau amgylcheddol yng Nghymru cyn ac yn ystod Cynhadledd Bioamrywiaeth y Cenhedloedd Unedig COP 15 ym mis Hydref 2022?

Wedi'i gyflwyno ar 15/06/2022

Rhagor o wybodaeth a digwyddiadau yn y calendr

Gwybodaeth fanwl: Huw Irranca-Davies AS

Bywgraffiad

Hanes personol

Mae Huw yn briod â Joanna Irranca-Davies (gwnaethant gyfuno eu cyfenwau, sef Davies ac Irranca, ar ôl priodi). Mae ganddynt dri mab, ac maent i gyd yn falch o'u gwreiddiau teuluol yng Nghymru a'r Eidal. Magwyd Huw mewn teulu â chysylltiadau cryf â'r Blaid Lafur. Mae wedi ymgyrchu ar lawr gwlad a gweithredu ym maes adfywio cymunedol ers tro.

Mae Huw, a aned yn 1963, yn gyn-ddisgybl Ysgol Gyfun Tre-gŵyr, ac yn gyn-fyfyriwr Coleg Crewe ac Alsager (BA Anrh) ac Athrofa Addysg Uwch Abertawe (MSc).

Yn gerddwr brwd (fel Is-lywydd Ramblers Cymru) ac yn "seiclwr bob dydd ar feic cefn syth", mae hefyd yn ymlacio drwy wylio ei feibion yn chwarae rygbi neu drwy ddarllen nofelau hanesyddol (ond byth unrhyw beth gwleidyddol!)

Cefndir proffesiynol

Cyn ymuno â'r byd gwleidyddol, gweithiodd Huw Irranca-Davies fel rheolwr yn y sector cyhoeddus a'r sector preifat, ac fel uwch ddarlithydd mewn addysg uwch. Mewn isetholiad seneddol a gynhaliwyd ym mis Chwefror 2002, cafodd ei ethol yn Aelod Seneddol y Blaid Lafur yn etholaeth Ogwr. Daliodd y sedd honno tan 2016, pan gafodd ei ethol yn Aelod Cynulliad dros Ogwr.

Hanes gwleidyddol

Huw oedd yr Aelod Seneddol dros Ogwr rhwng 2002 a 2016, pan roddodd y gorau i'r sedd er mwyn bod yn ymgeisydd yn etholiad Cynulliad Cenedlaethol Cymru.

Yn ystod ei gyfnod fel Aelod Seneddol, bu Huw'n gwasanaethu fel Ysgrifennydd Preifat Seneddol (PPS) i Weinidogion yn yr Adran Gwaith a Phensiynau, Adran Gogledd Iwerddon a'r Adran dros Ddiwylliant, y Cyfryngau a Chwaraeon (DCMS); fel Chwip y Llywodraeth ar gyfer Cymru a DCMS; fel Is-ysgrifennydd Gwladol Cymru; ac fel Gweinidog yr Amgylchedd yn Adran yr Amgylchedd, Bwyd a Materion Gwledig.

Rhwng mis Hydref 2010 a 2015, bu'n gwasanaethu fel Gweinidog yr Wrthblaid dros Ynni, ac yna fel Gweinidog yr Wrthblaid dros Fwyd, Ffermio a Materion Gwledig. Yn dilyn yr Etholiad Cyffredinol ym mis Mai 2015, cafodd ei ethol yn Gadeirydd y Pwyllgor Archwilio Amgylcheddol. Daliodd y swydd honno hyd at 2016, pan roddodd y gorau i'r Senedd er mwyn bod yn ymgeisydd yn etholiad Cynulliad Cenedlaethol Cymru.

Yn y Bumed Senedd, roedd yn Gadeirydd ar y Pwyllgor Materion Cyfansoddiadol a Deddfwriaethol i ddechrau, cyn mynd ymlaen i fod yn Weinidog Plant a Gofal Cymdeithasol. Yna, ar gais Prif Weinidog Cymru, daeth yn Gadeirydd ar Grŵp Llywio Buddsoddi Rhanbarthol Cymru, y Grŵp Cynghori ar Ewrop a Phwyllgor Monitro Rhaglenni Cymru, gan oruchwylio gwariant ffrydiau cyllido'r UE yng Nghymru.

Asedau’r Cyfryngau

Cofrestr Buddiannau

Cofrestr Buddiannau – Y Bumed Senedd (PDF, 3.63MB)

Aelodaeth

Tymhorau yn y swydd

  1. 06/05/2016 - 28/04/2021
  2. 08/05/2021 -

Gweld y Gofrestr Fuddiannau Gyfredol

Aelodaeth o Grwpiau Trawsbleidiol

Etholiadau

Digwyddiadau calendr: Huw Irranca-Davies AS