Mark Drakeford AS

Roedd Mark Drakeford yn Aelod o Senedd Cymru rhwng Mai 2011 ac Ebrill 2026. Hwn oedd ei fywgraffiad pan fu adael.

Hanes personol

Cafodd Mark ei eni a’i fagu yng Ngorllewin Cymru cyn symud i Orllewin Caerdydd yn y 1970au.

Cefndir proffesiynol

Bu Mark yn swyddog prawf, yn weithiwr cyfiawnder ieuenctid ac yn arweinydd prosiect Barnardo’s yn ardaloedd Trelái a Chaerau. Hefyd, bu’n Athro Polisi Cymdeithasol a Gwyddorau Cymdeithasol Cymhwysol ym Mhrifysgol Caerdydd ac yn addysgu ym Mhrifysgol Abertawe.

Hanes gwleidyddol

Bu Mark yn Gynghorydd Sir yn cynrychioli Pontcanna yn y 1980au. Rhwng 2000 a 2010, gweithiodd Mark fel y cynghorydd polisi iechyd a gofal cymdeithasol i Weinidogion Cymru ac, yn ddiweddarach, bu’n bennaeth swyddfa wleidyddol y Prif Weinidog. Cafodd Mark ei ethol gyntaf i gynrychioli Gorllewin Caerdydd yn 2011, a chafodd ei ailethol yn 2016 a 2021. Rhwng 2013 a 2018, daliodd Mark y portffolios Iechyd, Llywodraeth Leol a Chyllid fel Gweinidog yn Llywodraeth Cymru. Ym mis Rhagfyr 2018, daeth yn Brif Weinidog Cymru.