Hanes personol
Yn fab i
weinidog, roedd Peredur eisoes wedi byw mewn sawl rhan wahanol o Gymru cyn iddo
fynd i ysgol uwchradd Glan Clwyd yn Llanelwy, gan gynnwys Pumsaint yn Sir
Gaerfyrddin, Moelfre yn Ynys Môn, Licswm yn Sir y Fflint. Mae gan Peredur Radd
Meistr mewn Peirianneg Systemau Rheoli o Brifysgol Sheffield, ac mae bellach yn
byw yng Nghaerffili.
Cefndir
proffesiynol
Fel myfyriwr yn
Sheffield, cymerodd Peredur swydd ym maes bancio. Ar ôl cwblhau ei radd, aeth
Peredur ar drywydd cyflym i fod yn Rheolwr Banc i Santander, a llwyddodd i
symud yn ôl i Gymru i gwblhau ei hyfforddiant. Tra gyda Santander, bu Peredur
yn gweithio mewn canghennau ledled de Cymru, gan gynnwys Casnewydd, Mynwy, Caerffili,
Merthyr Tudful, y Coed Duon, Cwmbrân, y Barri, Tonypandy, a Chaerdydd. Ar ôl
Santander, daeth Cymdeithas Adeiladu Principality, lle bu Peredur yn gweithio
fel Rheolwr Datblygu Busnes ar gyfer cangen morgeisi preswyl y busnes. Ar ôl 13
mlynedd yn y sector ariannol, ymunodd Peredur â Cymorth Cristnogol fel
Cydgysylltydd Rhanbarthol De Cymru a Swyddog Etifeddiaeth Cymru gyfan. Yn ystod
y cyfnod hwn, ymunodd â Bwrdd Cyfarwyddwyr Alltudion ar Waith, elusen sy'n
gweithio i leoli ffoaduriaid. Ei gam nesaf oedd ymuno â Cytûn: Eglwysi Ynghyd
yng Nghymru, lle bu'n gweithio gyda nifer o grwpiau ffydd ledled Cymru.
Hanes
gwleidyddol
Mae Peredur wedi
bod yn Gynghorydd Cymunedol ar gyfer Trecenydd yng Nghaerffili ers 2017 ac wedi
gwasanaethu am ddwy flynedd fel Cadeirydd Cyngor Cymunedol Penyrheol, Trecenydd
ac Energlyn. Cyn hynny, bu'n Gadeirydd Etholaeth Caerffili Plaid Cymru. Yn
ymgyrchydd am gyfnod hir dros Plaid Cymru, etholwyd Peredur i'r Senedd y tro
cyntaf iddo sefyll yn yr etholiad.
Asedau’r Cyfryngau
