Rebecca Evans AS

Y Gweinidog Cyllid a’r Trefnydd

Prif ddiddordebau a chyflawniadau

Cafodd Rebecca ei hethol i Gynulliad Cenedlaethol Cymru yn 2011 i gynrychioli rhanbarth Canolbarth a Gorllewin Cymru. Yn 2016, daeth yn Aelod Cynulliad ar gyfer Gŵyr.

Gwahoddwyd Rebecca i fod yn aelod ifancaf Llywodraeth Cymru ym mis Gorffennaf 2014 pan gafodd ei phenodi yn Ddirprwy Weinidog Ffermio a Bwyd, ac ers mis Mai 2016 bu’n gwasanaethu fel Gweinidog Iechyd y Cyhoedd a Gwasanaethau Cymdeithasol.

Mae ei diddordebau gwleidyddol yn cynnwys cydraddoldeb, diwygio lles, trechu tlodi a materion gwledig.

Hanes personol

Cafodd Rebecca ei haddysgu ym Mhrifysgol Leeds, lle astudiodd Hanes. Cafodd radd Meistr mewn Athroniaeth mewn Astudiaethau Hanesyddol o Brifysgol Caergrawnt hefyd.

Mae Rebecca yn byw yng Ngŵr gyda’i gŵr. Mae’n dysgu Cymraeg.

Cefndir proffesiynol

Cyn dod yn Aelod Cynlluniad, roedd Rebecca yn gweithio yn y trydydd sector.

Hanes gwleidyddol

Yn y Pedwerydd Cynulliad, penodwyd Rebecca i’r Pwyllgor Iechyd a Gofal Cymdeithasol, a Phwyllgor yr Amgylchedd a Chynaliadwyedd a’i Grŵp Gorchwyl a Gorffen Polisi Amaethyddiaeth Cyffredin. Bu’n gwasanaethu hefyd ar y Pwyllgor Plant, Pobl Ifanc ac Addysg.

Hefyd, yn y Pedwerydd Cynulliad, Rebecca oedd Cadeirydd y Grwpiau Trawsbleidiol ar Anabledd, Iechyd Meddwl, a Nyrsio a Bydwreigiaeth; ac roedd yn is-gadeirydd y Grwpiau Trawsbleidiol ar Ffydd, Awtistiaeth, a Chwrw a’r Dafarn. Roedd yn swyddog yn sawl Grŵp Trawsbleidiol arall, gan gynnwys Cyflyrau Niwrolegol, a Phobl Hŷn.