Y Gweinidog Cabinet dros Lywodraeth Leol, Tai a Chynllunio
Diddordebau a llwyddiannau
Etholwyd Siân i’r Cynulliad Cenedlaethol yn 2016. Mae’n cynrychioli etholaeth Arfon fel aelod o Blaid Cymru. Cafodd ei hail-ethol i Senedd Cymru yn 2021, gan ddyblu ei mwyafrif gyda 63.3% o’r bleidlais – y ganran uchaf o unrhyw ymgeisydd ar draws Cymru. Mae ei diddordebau y tu allan i wleidyddiaeth yn cynnwys theatr, celf, y sîn gerddoriaeth Gymraeg, pêl-droed a rygbi.
Hanes personol
Addysgwyd Siân yn Ysgol Friars, Bangor ac ym Mhrifysgolion Aberystwyth a Chaerdydd. Ar ôl colli ei gŵr magodd ei 4 o blant ar ei phen ei hun. Mae hi wedi bod yn ymgyrchydd angerddol dros gydraddoldeb merched a’r Gymraeg ers dros 45 mlynedd.
Cefndir proffesiynol
Bu Siân yn gweithio fel newyddiadurwraig gyda'r BBC, HTV a Golwg. Bu hefyd yn gweithio ym maes cysylltiadau cyhoeddus gan gynnwys fel swyddog y wasg i Gyngor Gwynedd.
Hanes gwleidyddol
Rhwng 2008 a 2016 bu’n gwasanaethu fel cynghorydd ar Gyngor Gwynedd, gan gynrychioli’r pentref lle cafodd ei magu, y Felinheli. Ar hyn o bryd mae’n dal y portffolio Tai a Chynllunio ar gyfer Plaid Cymru (2024-) yn dilyn ei rôl fel yr Aelod Arweiniol Dynodedig ar y Cytundeb Cydweithio (2021-2024) rhwng Plaid Cymru a Llywodraeth Lafur Cymru. Yn ystod pedwerydd a phumed tymor y Senedd mae hi wedi dal portffolios polisi amrywiol i Blaid Cymru gan gynnwys Addysg, Llywodraeth Leol a Chynllunio, a’r Gymraeg a Diwylliant, a bu’n Gomisiynydd Senedd y Blaid, Trefnydd, Prif Chwip a Dirprwy Arweinydd yn y Senedd.
