- yn San Steffan, mae'r Pwyllgor Deisebau yn denu cynulleidfaoedd newydd i wylio'r hyn y mae eu senedd yn gwneud a chymryd rhan mewn dadleuon;
- yn Brazil a Chile, mae deddfwriaeth yn cael ei rhannu ar-lein â'r cyhoedd, a all roi sylwadau, diwygio a phleidleisio ar y newidiadau hynny cyn iddynt gael eu cyfeirio'n ôl at aelodau;
- mae deddfwrfeydd mor eang â Georgia, Paraguay a Ffrainc yn gweithredu strategaethau i gynyddu cyfraniad y cyhoedd yn yr hyn maent yn gwneud i sicrhau eu bod yn dryloyw a hygyrch;
- Mae'r Alban, yr Eidal a'r Weriniaeth Tsiec yn enghreifftiau o seneddau sy'n darparu mynediad agored amser real i'w data, tra bod seneddau'r Iseldiroedd a Seland Newydd yn darparu archifau ar-lein y gellir chwilio drwyddynt yn llawn o gofnodion eu seneddau; ac
- mae Serbia a Periw ymysg y deddfwrfeydd o amgylch y byd sy'n gweithio mewn partneriaeth â sefydliadau cymdeithas sifil, gan chwilio am ffyrdd newydd o agor i fyny, estyn allan, gwrando a rhannu.
Blog Gwadd - Mae agor pwyllgorau i fyny yn gam ymlaen i ddemocratiaeth gryfach yng Nghymru
Cyhoeddwyd 06/10/2016   |   Diweddarwyd Ddiwethaf 06/10/2016
Dr Andy Williamson, Hydref 2016
Mae'n wych gweld y pumed Cynulliad Cenedlaethol yn dechrau gyda bwriad cryf i gynyddu cyfranogiad y cyhoedd. Mae'r Pwyllgor Diwylliant, y Gymraeg a Chyfathrebu eisoes wedi dechrau, gyda chadeirydd y Pwyllgor, Bethan Jenkins, yn gofyn i'r cyhoedd helpu i lywio'r hyn maent yn siarad amdano drwy amrywiaeth o gyfryngau arloesol a gwreiddiol.
Dyma stamp o ddeddfwrfa fodern, un sydd wedi buddsoddi mewn democratiaeth gref a buddiannau gorau y bobl y mae'n gwasanaethu.
Deddfwrfeydd agored, tryloyw a hygyrch yw'r dyfodol a gallwn weld hyn yn digwydd ledled y byd: