Hoffai’r Pwyllgor glywed gan sefydliadau, busnesau a chi – mae rhagor o wybodaeth am sut i gymryd rhan ar-lein ar gael isod.
Mae’r Pwyllgor Craffu ar Waith y Prif Weinidog yn cyfarfod yn Abertawe am 10.30 ar 16 Hydref yn Amgueddfa Genedlaethol y Glannau. Y prif bwnc trafod fydd ‘Cymru yn y Byd Ehangach’. Dyma enghreifftiau o’r materion y bydd yn cael eu trafod:
| Beth yw strategaeth gyffredinol Llywodraeth Cymru ar gyfer marchnata a hyrwyddo Cymru i’r byd? | Beth yw brand Cymru? Pa mor llwyddiannus yw ymdrechion i hyrwyddo atyniadau yng Nghymru i dwristiaid? | A yw Llywodraeth Cymru yn gwneud digon i ddenu buddsoddwyr? |
| A yw Llywodraeth Cymru yn llwyddo I gyfleu delwedd o Gymru sy’n apelio i dwristiaid o’r DU ac o dramor? | A yw diwylliant Cymreig yn ddigon gweladwy y tu allan i Gymru? | Pa farchnadoedd neu nwyddau ddylid eu blaenoriaethu? |
Caiff agenda lawn ei llwytho i dudalen y Pwyllgor ar y we unwaith iddi gael ei chadarnhau.
Mae’r rhan fwyaf o Bwyllgorau’r Cynulliad yn cyfarfod yn wythnosol i graffu ar waith Llywodraeth Cymru yn fanwl, ond mae’r Pwyllgor Craffu ar Waith y Prif Weinidog yn canolbwyntio ar bynciau eang ynghylch unrhyw weledigaeth strategaeth ganolog yn Rhaglen Lywodraethu Llywodraeth Cymru.
Sut ydw i’n cymryd rhan ar-lein?
Gallwch gyflwyno eich cwestiwn neu sylw i’r Pwyllgor ynghylch ‘Cymru yn y Byd Ehangach’ fel a ganlyn:
 |
Ar Twitter – Dilynwch @CynulliadCymru ar Twitter ac ymatebwch i unrhyw negeseuon ynghylch y pwnc hwn gan ddefnyddio’r hashnod #GofynPrifWein. Hefyd, mae croeso ichi anfon neges uniongyrchol os hoffech i’ch neges fod yn gyfrinachol. |
 |
Ar Facebook – ‘Hoffwch’ dudalen y Cynulliad ar Facebook a gadewch neges ar unrhyw ddiweddariad statws perthnasol. Os nad ydych yn gweld diweddariad statws perthnasol, gallwch ysgrifennu neges ar y dudalen gyda’r hashnod #GofynPrifWein. |
 |
E-bost– Gallwch ddweud eich dweud drwy anfon e-bost at: Craffu.PW@Cynulliad.Cymru |
 |
Ar YouTube – Beth am ffilmio eich hun yn gofyn eich cwestiwn ac anfon linc i’r fideo drwy unrhyw un o’r sianeli uchod? |
 |
Ar Instagram – Os gallwch fynegi’ch barn mewn ffordd greadigol weledol, carwn weld eich cyflwyniadau. Tagiwch gyfrif Instagram y Senedd yn eich llun neu ddefnyddiwch yr hashnod #GofynPrifWein. Fel arall, gallwch wneud sylwadau ar unrhyw un o’n cyflwyniadau ar Instagram, eto gan ddefnyddio’r hashnod #GofynPrifWein. |
 |
Sylwadau – Beth am adael neges ar y blog hwn yn awr? |
"You can see the extraordinary beauty, the wonderful people and great hospitality, so I'd encourage everybody in the States to come and visit Wales.” - Yr Arlywydd Barack ObamaYmchwilio i’r pwnc – ‘Cymru yn y Byd Ehangach’ Gallai’r pwnc hwn ymddangos yn gymhleth, ond gall cymryd cam yn ôl i ystyried mater yn ei gyfanrwydd fod yn werthfawr. Hoffwn glywed syniadau arloesol a sylwadau o safbwyntiau gwahanol gan bobl o wahanol gefndiroedd. Mae Cynulliad Cenedlaethol Cymru yn craffu ar waith Llywodraeth Cymru yn fanwl bob dydd, ond dyma gyfle i fod yn uchelgeisiol. Sut ydych chi’n marchnata gwlad? Sut mae Llywodraeth Cymru yn ceisio gwneud hynny? A allai wneud yn well? Dyma rai mannau cychwyn:
Gwaith gan Gynulliad Cenedlaethol Cymru yn y gorffennol
Ymchwiliad i dwristiaeth (2014)
Tudalen ar y wefan | Rhestr o glipiau YouTube | Llwythwch yr adroddiad llawn (PDF 785 KB)
“I would like to see a multilevel brand [for Wales], ―so that we are, first and foremost, Anglesey, then we are Welsh, and then we are British.” - Alison Lea Wilson, Ffatri Halen MônCynhaliodd Pwyllgor Menter a Busnes Cynulliad Cenedlaethol Cymru ymchwiliad i dwristiaeth yng Nghymru. Cafodd yr adroddiad ei gyhoeddi ym mis Tachwedd 2014. [caption id="attachment_1671" align="alignright" width="300"]
Y Pwyllgor Menter a Busnes yn ymweld â Cheudyllau Llechi Llechwedd[/caption]
Dyma rai pwyntiau diddorol o’r adroddiad i’w hystyried:
- Mae twristiaeth yn werth £6.9 biliwn y flwyddyn i Gymru, neu 13.2% o GYC. Fel sector, mae’n cefnogi tua 206,000 o swyddi ac mae’n un o’n tri chyflogwr mwyaf.
- Mae twristiaeth hefyd yn un o’n diwydiannau allforio mwyaf, gydag 80% o wariant ymwelwyr yn dod o’r tu allan i Gymru. Ers 2005, hwn fu’r sector â’r twf cyflymaf yn ein heconomi.
- Un mater hanfodol a godwyd gyda ni oedd maint buddsoddiad Llywodraeth Cymru mewn twristiaeth. Clywsom fod y gwariant ar farchnata twristiaeth yng Nghymru yn cyfateb yn fras i wariant Glasgow, a theimlai sawl rhanddeiliad fod angen mwy o arian i hyrwyddo’r hyn a gynigir gan ein diwydiant twristiaeth.
- Dro ar ôl tro clywsom fod angen brand mwy gweladwy a chydlynol ar Gymru y gallai busnesau twristiaeth o bob maint fanteisio arno – yn enwedig drwy wefan Croeso Cymru, a ddylai fod yn ganolbwynt i’n gweithgarwch marchnata.
- Dywedwyd wrthym: “the Wales tourism brand is almost non-existent and compared to Scotland and Ireland we are way off the mark”
- Mae ‘brand’ Cymru yn dechrau magu cryfder. Fodd bynnag, mae natur y wlad a’r hyn sydd ganddi i’w gynnig yn ei gwneud hi’n anodd iawn creu un brand cynhwysfawr.
- Dylai Croeso Cymru gynnwys busnesau twristiaeth yn fwy agos yn ei ymgyrchoedd hysbysebu er mwyn iddynt ddeall yn well yr hyn y mae Croeso Cymru yn ceisio ei gyflawni, a gallant gydgysylltu eu gwaith eu hunain yn unol â hynny.
- Dylai Llywodraeth Cymru wneud rhagor i annog hyrwyddo asedau treftadaeth ar y cyd, an gynnwys y rhai y tu allan i’w gofal, ac adeiladu ar enghreifftiau o arfer da.
- Dylai Llywodraeth Cymru wneud rhagor i sicrhau effaith fwyaf bosibl digwyddiadau mawr ar dwristiaeth a sicrhau bod llwyddiant Cymru i gynnal digwyddiadau mawr yn bwydo i mewn i frand twristiaeth cryf i Gymru.
- Mae’n rhaid i Lywodraeth Cymru wneud rhagor i gynyddu a gwella’r ffordd y mae VisitBritain yn hyrwyddo Cymru.
- O ystyried gwerth twristiaeth i economi Cymru a’r amrywiaeth cyfoethog o asedau naturiol, asedau diwylliannol ac asedau eraill yng Nghymru, credwn y dylai Llywodraeth Cymru, gan weithio’n agos gyda rhanddeiliaid allweddol ledled Cymru, sicrhau bod cymorth wedi’i deilwra ar gael i fanteisio i’r eithaf ar arian yr UE er mwyn helpu i dyfu’r diwydiant yng Nghymru.
“I certainly believe that, ultimately, the brand is Wales. One of the things that I passionately believe in, in terms of the advice that we give to other places, is that it does not matter whether the aim of the communication is to encourage inward investment, to encourage tourism, or to promote a nation‘s food: ultimately, it is the same place that is being talked about.” – Roger Pride, cyn Gyfarwyddwr Marchnata Llywodraeth CymruErthyglau blog Caiff y blog ‘Pygion’ ei ysgrifennu gan Wasanaeth Ymchwil Cynulliad Cenedlaethol Cymru.
- Beth nesaf i dwristiaeth yng Nghymru?
- Twristiaeth: cyfleoedd am dwf
- Cynllun gweithredu bwyd a diod – blwyddyn yn ddiweddarach
- Beth sydd nesaf i Borthladdoedd Cymru?
Senedd.TV yw sianel ddarlledu ar-lein Cynulliad Cenedlaethol Cymru. Mae’n dangos popeth sy’n digwydd yn Siambr y Senedd a’r ystafelloedd pwyllgora, gan ddarlledu’n fyw a chreu archif fideo.
Cyfarfodydd Pwyllgor ar Senedd.TV
- 18 Mehefin 2014 - Y Pwyllgor Menter a Busnes – Ymchwiliad i dwristiaeth
- 5 Chwefor 2015 - Y Pwyllgor Menter a Busnes - Ymchwiliad i agwedd Llywodraeth Cymru tuag at hybu masnach a mewnfuddsoddi
- 7 Gorffennaf 2015 - Datganiad gan y Dirprwy Weinidog Diwylliant, Chwaraeon a Thwristiaeth: Blwyddyn Antur 2016
Cynnwys perthnasol gan Lywodraeth Cymru
“Gwneir rhagor o farchnata yn Llundain a De-ddwyrain Lloegr, Canolbarth Lloegr a Swydd Efrog, yn ogystal ag yng Nghymru ei hun am y tro cyntaf. Dramor, y tair prif farchnad yw Iwerddon, yr Almaen a’r UDA.” – Llywodraeth Cymru, Partneriaeth ar gyfer Twf: Strategaeth ar gyfer Twristiaeth 2013-2020
Wales.com – Gelwir y wefan hon yn ‘Borth Swyddogol i Gymru’, ac mae wedi’i dylunio i roi trosolwg ar Gymru fel gwlad i’r byd.
Visit Wales - Mae tîm twristiaeth Llywodraeth Cymru yn hybu twristiaeth yng Nghymru ac yn cefnogi diwydiant twristiaeth Cymru. Gwefan | Sianel YouTube
Just Ask Wales – Ymgyrch i annog rhagor o gwmnïau o dramor sydd am dyfu ac ehangu i ystyried dyfodol yng Nghymru. Mae’r ymgyrch yn nodi’r sgiliau, cefnogaeth, lleoliadau posibl a chyflymder gwneud penderfyniadau yng Nghymru.
Cymru 2016: Blwyddyn Antur - “Yn y blynyddoedd canlynol, cynhelir ymgyrchoedd ar themâu a fydd yn hyrwyddo cryfderau mwyaf Cymru gyda digwyddiadau, gweithgareddau ac atyniadau a fydd yn canolbwyntio ar y pethau gorau a gynigir gan dwristiaeth Cymru. I ddilyn Blwyddyn Antur 2016 cynhelir
Partneriaeth ar gyfer Twf: Strategaeth ar gyfer Twristiaeth 2013-2020 – “Strategaeth newydd sy’n cyflwyno gweledigaeth lle mae’r diwydiant a Llywodraeth Cymru yn gweithio mewn partneriaeth i gynyddu gwariant ymwelwyr yng Nghymru.”
Cymru yn y Byd: Agenda Ryngwladol Llywodraeth Cymru
Brandio gwledydd – Sut maent yn cymharu?
“Journey to the ancient Celtic kingdom of Wales, land of castles.” – gwefan Visit Britain
 |
 |
 |
 |
![tourismireland[1]](/blogfilesen/2015/09/tourismireland1.jpg) |
![htz_en-GB[1]](/blogfilesen/2015/09/htz_en-gb1.gif) |
 |
||
Canfyddiadau o Gymru
I gael syniad gwrthrychol o’r ffordd y caiff Cymru ei marchnata a’i thrafod, gallwch edrych ar ganfyddiadau yng nghyfryngau Cymru, y DU a gweddill y byd. Mae rhai o’r enghreifftiau hyn yn cynnwys erthyglau marchnata a gomisiynwyd ac mae’r rhai eraill yn dangos sylw naturiol yn y cyfryngau yn cyflwyno safbwyntiau amrywiol.
"Back in the old days travelling to the UK usually meant a trip to just London. The modern tourist now knows better. A weekend in Wales can be a very exhilarating experience." - The India Tribune
Rhagor o wybodaeth am y Pwyllgor Craffu ar Waith y Prif Weinidog Sefydlwyd y Pwyllgor ar 2 Mai 2012, a’i gylch gwaith yw craffu ar waith y Prif Weinidog ynghylch unrhyw fater sy’n ymwneud ag arfer swyddogaethau Llywodraeth Cymru. Prif dudalen y wefan Aelodaeth
- David Melding AC (Cadeirydd) – Ceidwadwyr Cymreig
- Jocelyn Davies AC – Plaid Cymru
- Paul Davies AC – Ceidwadwyr Cymreig
- Ann Jones AC – Llafur Cymru
- Eluned Parrot AC – Democratiaid Rhyddfrydol Cymru
Rôl Llywodraeth Cymru wrth Ddiogelu a Hyrwyddo’r Iaith Gymraeg (13 Mawrth 2015)
Gweld Trawsgrifiad | Gwylio ar Senedd.TV
Goblygiadau cyfansoddiadol y refferendwm yn yr Alban (09 Hydref 2014)
Gweld Trawsgrifiad | Gwylio ar Senedd.TV
Strategaeth 2010 Llywodraeth Cymru ar y Newid yn yr Hinsawdd (26 Mehefin 2014)
Gweld Trawsgrifiad | Gwylio ar Senedd.TV
Beth yw pwyllgor? Mae’r pwyllgorau yn un modd o alluogi’r Cynulliad i gyflawni ei swyddogaethau statudol a chyfansoddiadol. Mae craffu’n effeithiol ar waith y llywodraeth yn ganolog i waith unrhyw gorff democrataidd. Mae Cynulliad Cenedlaethol Cymru yn ymgymryd â’r gwaith hwn drwy nifer o bwyllgorau, sy’n cynnwys Aelodau o’r holl bleidiau gwleidyddol. Bydd Pwyllgorau’n argymell sut (er enghraifft) y gall polisiau Llywodraeth Cymru fod yn fwy cadarn a sut y gall ei gwariant fod yn fwy effeithiol, effeithlon a darbodus. Bydd Pwyllgorau hefyd yn gweithio gydag unigolion a sefydliadau mewn ffordd ragweithiol ac arloesol, a rheini’n unigolion a sefydliadau sy’n gallu mynegi safbwyntiau a phrofiadau pobl Cymru. Rhestr lawn o bwyllgorau Cynulliad Cenedlaethol CymruRhagor o wybodaeth am Brif Weinidog Cymru
Y Gwir Anrh Carwyn Jones AC yw Prif Weinidog Cymru.
Prif Weinidog Cymru yw pennaeth Llywodraeth Cymru, ac fe'i penodir gan Ei Mawrhydi y Frenhines yn unol ag enwebiad Aelodau'r Cynulliad.
Mae cyfrifoldebau'r Prif Weinidog yn cynnwys:
- Penodi'r Cabinet o Weinidogion Cymru, Dirprwy Weinidogion Cymru a'r Cwnsler Cyffredinol (gyda chymeradwyaeth Ei Mawrhydi) sy'n ffurfio Llywodraeth Cymru;
- Cadeirio cyfarfodydd y Cabinet ac arfer swyddogaethau Llywodraeth Cymru;
- Arwain y broses o ddatblygu a chyflenwi polisïau;