Is-bwyllgor Datblygu Gwledig i edrych ar dlodi yng nghefn gwlad Cymru
Mae Is-bwyllgor Datblygu Gwledig y Cynulliad wedi cytuno ar y cylch gorchwyl ar gyfer ei ymchwiliad newydd i dlodi ac amddifadedd yng nghefn gwlad Cymru. Dyma’r cylch gorchwyl:
Ymchwilio i faterion yn ymwneud â thlodi ac amddifadedd yng nghefn gwlad Cymru a chraffu ar berthnasedd ac effeithlonrwydd polisi Llywodraeth Cynulliad Cymru yn y maes hwn.
Gan gyfeirio at y ffynonellau gwybodaeth sydd ar gael, bydd yr Is-bwyllgor yn ymchwilio i faint a natur tlodi ac amddifadedd yng nghefn gwlad Cymru.
Bydd yr Is-bwyllgor yn ymchwilio i faterion yn ymwneud â thlodi ac amddifadedd yng nghefn gwlad Cymru drwy gyfeirio at y grwpiau a ganlyn:
Plant a phobl ifanc;
Pobl sy’n economaidd weithgar;
Pobl sy’n economaidd anweithgar; a
Phobl Hyn
Bydd yr is-bwyllgor yn gofyn am dystiolaeth ysgrifenedig ac yn cymryd tystiolaeth lafar ar yr ymchwiliad newydd yn fuan yn y Flwyddyn Newydd.
Rhagor o wybodaeth am y pwyllgor