Pwyllgor i lansio pwyllgor craffu ar hygyrchedd gorsafoedd pleidleisio

Bydd Pwyllgor Cyfle Cyfartal Cynulliad Cenedlaethol Cymru yn trafod ei ymchwiliad craffu cyntaf i hygyrchedd gorsafoedd pleidleisio yn ei gyfarfod nesaf ddydd Iau 27 Medi.                            Bydd yr Aelodau’n cytuno ar gylch gorchwyl ar gyfer yr ymchwiliad ac yn trafod pa dystion posibl i’w gwahodd i roi tystiolaeth mewn cyfarfodydd yn y dyfodol. Dywedodd Cadeirydd y Pwyllgor Ann Jones AC: “Mae’r nifer sy’n pleidleisio ac yn cymryd rhan mewn democratiaeth yn parhau i fod yn faterion mawr i’r Cynulliad Cenedlaethol a sefydliadau democrataidd eraill yn y DU. Rydym yn awyddus i sicrhau bod cymryd rhan yn y broses ddemocrataidd mor hawdd â phosibl er mwyn sicrhau nad oes unrhyw un yn cael ei annog i beidio â phleidleisio oherwydd rhwystrau corfforol.  Edrychaf ymlaen at glywed tystiolaeth gan grwpiau sydd â diddordeb.“ Bydd y pwyllgor hefyd yn trafod ei ymchwiliad arfaethedig i faterion sy’n effeithio ar weithwyr mudol ac yn ystyried y dewisiadau mewn perthynas â sefydlu Pwyllgor i ystyried materion plant a phobl ifanc.                 Cynhelir y cyfarfod yn Ystafell Bwyllgora 2, y Senedd rhwng 9.30am a 11.30am. Manylion llawn ac agenda