Cytunodd Cynulliad Cenedlaethol Cymru yn unfrydol brynhawn heddiw (21 Hydref) ar gynnig sy'n pennu ei flaenoriaethau ar gyfer dyfodol datganoli yng Nghymru.
Roedd y cynnig trawsbleidiol yn nodi naw pwynt yr roedd pedair plaid y Cynulliad yn cytuno arnynt.
Yn dilyn y ddadl, dywedodd y Fonesig Rosemary Butler:
"Mae'r Cynulliad wedi siarad ag un llais heddiw, gan bennu ei flaenoriaethau ar gyfer dyfodol datganoli yng Nghymru.
"Mae'r cynnig trawsbleidiol hwn yn pennu blaenoriaethau clir. Rwyf bellach yn disgwyl i Lywodraeth y DU gadw at ei haddewid i roi Cymru wrth wraidd dadl datganoli y DU.
"Mae'n amser i'r Cynulliad gael ei gydnabod fel deddfwrfa barhaol gyda'r hawliau, y capasiti a'r statws cywir i ddarparu'r hyn y mae pobl Cymru yn disgwyl ei gael.
"Byddaf yn parhau i alw am y newidiadau hynny y credaf y mae eu hangen ar y Cynulliad - gan gynnwys cynyddu capasiti, symud at fodel pwerau a gedwir yn ôl, a chydnabod sofraniaeth y Cynulliad fel camau cyntaf hanfodol i sicrhau bod y Cynulliad a'r Llywodraeth yn darparu ar gyfer pobl Cymru.
"Byddaf yn parhau i chwarae fy rhan innau. Fel Llywydd a Chadeirydd y Cynulliad, byddaf yn hyrwyddo buddiannau a safbwyntiau'r Cynulliad. Byddaf yn cwrdd ag Ysgrifennydd Gwladol Cymru yn ystod yr wythnosau nesaf ac edrychaf ymlaen at drafod y materion hyn ag ef. Byddaf hefyd yn parhau i siarad â Phrif Weinidog Cymru i sicrhau ein bod yn cael y setliad datganoli sydd ei angen arnom."