Rydym am glywed eich barn am Senedd TV. Cymerwch ran yn ein harolwg byr i’n helpu i wella’r gwasanaeth.
Rhestr termau seneddol
Mynegai A-Y o dermau
Defnyddiwch y llythrennau isod i weld rhestr o dermau
Termau R
Term
Refferendwm
Proses a ddefnyddir i ofyn i’r etholwyr bleidleisio ar gwestiwn penodol. Sefydlwyd Senedd Cymru yn dilyn pleidlais o blaid hynny mewn refferendwm a gynhaliwyd fis Medi 1997. Ym mis Mawrth 2011, cynhaliwyd refferendwm ar bwerau deddfu. Pleidleisiodd pobl Cymru o blaid rhoi pwerau deddfu ychwanegol i’r Senedd gyda 63.5% o blaid y newid.
Diweddarwyd Ddiwethaf 16/12/2024
Term
Rheol 21 diwrnod
Os na chaiff offeryn statudol sy’n ddarostyngedig i’r weithdrefn annilysu (neu’r weithdrefn negyddol os y’i gosodwyd cyn mis Ionawr 2026) a wnaed gan Weinidogion Cymru ei osod gerbron y Senedd o leiaf 21 diwrnod cyn i'r offeryn statudol ddod i rym (h.y. cael effaith), rhaid i Lywodraeth Cymru roi gwybod i'r Llywydd ac esbonio pam. Gelwir hyn yn “rheol 21 diwrnod”.
Mae rhagor o wybodaeth yma am y newidiadau mewn perthynas ag offerynnau statudol a ddaeth i rym o 1 Ionawr 2026.
Diweddarwyd Ddiwethaf 08/01/2026