- Ydych chi eisiau teimlo’n hyderus i drafod gweidyddiaeth gyda phobl ifanc?
- Oeddech chi’n gwybod bod pawb dros 16 yn gallu pleidleisio yn etholiad y Senedd?
- Ydych chi eisiau gwybod mwy?
Mae’n rhaglen Sgwrsio’r Senedd sy’n rhad ac am ddim wedi ei gynllunio’n benodol at addysgwyr. Y bwriad bydd i gynyddu eich hyder i siarad gyda phobl ifanc am wleidyddiaeth, pleidleisio a’r Senedd.
Yn ein sesiwn 45-munud byddwch yn dysgu am y Senedd, democratiaeth yng Nghymru, a byddwn yn eich arwain cam wrth gam ar sut i gynnal sesiwn gyda pobl ifanc.
Bydd hyn yn cael ei gynnal yn fyw ar Teams.
Ar ôl clicio ar un o’r lincs isod, detholwch y dyddiad yn y calendr ac amser y sesiwn.
Trafod pleidleisio ac etholiad y Senedd gyda phobl ifanc ag anableddau dysgu
Mae Anabledd Dysgu Cymru, mewn partneriaeth â Thîm Addysg y Senedd, yn cynnig sesiwn hyfforddi ar y cyd am ddim i athrawon ac ymarferwyr addysg.
Bydd y sesiwn ryngweithiol hon yn canolbwyntio ar sut i siarad â phobl ifanc ag anableddau a/neu anawsterau dysgu am etholiad y Senedd a phleidleisio, mewn ffordd hygyrch, gynhwysol a grymusol.
Bydd y sesiwn yn cynnwys:
- Deall y Senedd ac etholiad y Senedd mewn termau syml a hygyrch
- Cefnogi pobl ifanc ag anableddau dysgu i ymgysylltu â phrosesau democrataidd
- Dulliau, iaith ac adnoddau ymarferol i’w defnyddio yn yr ystafell ddosbarth
- Meithrin hyder i gael sgyrsiau agored a diduedd am bleidleisio a chyfranogiad
Mae’r sesiwn wedi’i chynllunio ar gyfer athrawon, arweinwyr ADY a staff addysg sy’n gweithio gyda phobl ifanc ag anableddau a/neu anawsterau dysgu. Bydd yn cynnwys enghreifftiau ymarferol a chyfleoedd i drafod.
Mae niferoedd yn gyfyngedig, felly anogir archebu’n gynnar.