Rydym am glywed eich barn am Senedd TV. Cymerwch ran yn ein harolwg byr i’n helpu i wella’r gwasanaeth.
Hyrwyddwyr Cymunedol Dwyrain De Cymru
Ben Antoniou
Enwebwyd gan John Griffiths AS, Aelod o’r Senedd dros Ddwyrain Casnewydd.
Mae Ben wedi bod yn helpu i wneud Dwyrain Casnewydd yn lle glanach a gwyrddach i bawb.
Sefydlodd grŵp Casglu Sbwriel Dwyrain sydd wedi cynnal sesiynau casglu sbwriel gan gadw pellter cymdeithasol. Cydweithiodd â Cadw Cymru’n Daclus a chwmnïau tecawê i ddatrys problemau sbwriel.
Jalal Goni
Enwebwyd gan John Griffiths AS, Aelod o’r Senedd dros Ddwyrain Casnewydd.
Mae Jalal yn rhedeg Exiles Together, sef grŵp cefnogwyr Sir Gasnewydd i gymuned BAME y ddinas.
Mae'r grŵp wedi darparu gliniaduron a donglau i blant, fe nad ydyn nhw'n colli ysgol, ac maen nhw hefyd wedi dosbarthu bwyd i'r henoed a phobl agored i niwed.
Leeann Davies
Enwebwyd gan John Griffiths AS, Aelod o’r Senedd dros Ddwyrain Casnewydd.
Mae siop losin, anrhegion a nwyddau haearn traddodiadol Leeann, sef “Village Treats” ym Magwyr, yn ei rhoi wrth galon y gymuned. Mae hi wedi cydweithio â busnesau bach eraill i addasu eu gweithgarwch yn ystod y pandemig er mwyn cefnogi eu cwsmeriaid.
Katherine Hughes
Enwebwyd gan Delyth Jewell AS, Aelod o’r Senedd dros Ddwyrain De Cymru.
Nod Katherine eleni oedd cadw pobl mewn cysylltiad trwy sefydlu cynllun Cyfeillio dros y Ffôn, a threfnu partïau ar-lein ar gyfer y Pasg, Gŵyl Fai a Diwrnod Buddugoliaeth yn Ewrop.
A hyn i gyd heb unrhyw sgiliau digidol blaenorol!
Mike 'Puffa' Jones
Enwebwyd gan Jayne Bryant AS, Aelod o’r Senedd dros Orllewin Casnewydd.
Mae Mike 'Puffa' Jones yn credu y dylai pob plentyn gael beic, felly mae’n ailgylchu hen feiciau ac yn eu rhoi i blant a gweithwyr allweddol, gan wneud gwahaniaeth ar gyfer pobl ifanc a theuluoedd yn ystod y pandemig.
Marilyn Bryan-Jones
Enwebwyd gan Jayne Bryant AS, Aelod o’r Senedd dros Orllewin Casnewydd.
Drwy Grŵp Treftadaeth y Caribî, mae wedi cynorthwyo’i chymuned, gan gadw cysylltiad â nhw a chan ofalu eu bod yn cael y wybodaeth angenrheidiol. Mae’n hyrwyddo cydraddoldeb ac amrywiaeth drwy addysg a chwaraeon yng Nghasnewydd, gan ysbrydoli llawer.
Stephen Morris
Enwebwyd gan Dawn Bowden AS, yr Aelod dros Ferthyr Tudful a Rhymni.
Mae Stephen Morris wedi bod wrth wraidd yr ymdeimlad o gymuned ym Merthyr Tudful ers mis Mawrth. Drwy gynnal sawl raffl a lansio mentrau eraill i godi arian, mae Stephen wedi codi swm anhygoel o £28,000 i’r GIG a nifer o achosion lleol.
Deborah o fwyty Tommy Box
Enwebwyd gan Dawn Bowden AS, yr Aelod dros Ferthyr Tudful a Rhymni.
Darparodd Deborah Bowen o fwyty Tommy Box yn Nhreharris, Merthyr Tudful brydau bwyd am ddim i staff yn Ysbyty’r Tywysog Siarl er ei bod wedi gorfod addasu ei busnes ei hun yn ystod y cyfyngiadau symud yn sgîl Covid-19.
