Gwybodaeth bwysig am wneud cais I gynnal digwyddiad
Cyhoeddwyd 04/04/2024
| Diweddarwyd Ddiwethaf 30/08/2024
|
Amser darllenmunudau
Cymeradwyir digwyddiadau hyd at 11 mis cyn dyddiad arfaethedig y digwyddiad. Bydd ceisiadau ymlaen llaw yn cael eu cadw ar ffeil tan y ffenestr 11 mis.
Ein diwrnodau mwyaf poblogaidd ar gyfer digwyddiadau yw dydd Mawrth a dydd Mercher. Byddwn yn gwneud popeth o fewn ein gallu i wneud trefniadau ar gyfer eich dyddiad(au) digwyddiad o ddewis, ond efallai y byddwn yn awgrymu dyddiad neu leoliad arall yn seiliedig ar argaeledd.
Mae pob digwyddiad a gynhelir o fewn ein horiau digwyddiad rhagnodedig yn cael cymorth cynllunio digwyddiadau, gwasanaethau clyweledol a gwasanaeth cyfieithu o'r Gymraeg i'r Saesneg.
Rhaid i unrhyw ddeunydd cyfathrebu a gynhyrchir gennych ar gyfer eich digwyddiad ddangos yn glir enw’r Aelod o’r Senedd sy’n eich noddi.
Mae'n ofynnol ichi rannu pob gwahoddiad a deunydd hyrwyddo gyda'n Tîm Lleoliadau, cyn anfon gohebiaeth. Gallai methiant i gydymffurfio â'r amod hwn arwain at ganslo eich digwyddiad.
I gynnal digwyddiad, rhaid ichi geisio nawdd gan Aelod o’r Senedd. Gallwch ddod o hyd i Aelod o’r Senedd a chysylltu’n uniongyrchol drwy ein gwefan.
Os yw eich digwyddiad yn benodol i sector, gallech ofyn am nawdd gan Aelod sy’n eistedd ar bwyllgor penodol. Ewch i’n tudalen pwyllgor i ddysgu pa sectorau y mae ein pwyllgorau yn eu cwmpasu a pha Aelodau sy’n eistedd ar bob pwyllgor.
