Mae'r canlynol yn gynnig ar gyfer Bil Aelod a gyflwynwyd yn ystod y Chweched Senedd:
Aelod sy'n Cynnig:
Teitl y Bil Arfaethedig:
Bil Cymorth Cyntaf Iechyd Meddwl (Cymru)
Amcanion Polisi y Bil:
Diben y Bil fyddai cynyddu nifer y cynorthwywyr cymorth cyntaf iechyd meddwl ledled Cymru.
Byddai'r Bil hefyd yn anelu at:
- Sicrhau bod cymorth cyntaf iechyd meddwl yn rhan orfodol (yn ôl y gyfraith) o bob cwrs cymorth cyntaf cydnabyddedig;
- Cynorthwyo a chefnogi busnesau yng Nghymru i gael gweithiwr hyfforddedig cymorth cyntaf iechyd meddwl dynodedig;
- Rhoi dyletswydd ar Weinidogion i weithio gydag awdurdodau lleol, grwpiau cymunedol, grwpiau crefyddol a rhanddeiliaid eraill, i sicrhau bod gan bob cymuned fynediad at gynorthwywyr cymorth cyntaf iechyd meddwl, a hyfforddiant;
- Sicrhau ei bod yn ofynnol i bob ysgol gael cenhadon cymorth cyntaf iechyd meddwl ymhlith y staff a'r garfan ddisgyblion;
- Ymgorffori hyfforddiant cymorth cyntaf iechyd meddwl i’w wneud yn rhan o hyfforddiant athrawon a staff ysgol.