Mae'r canlynol yn gynnig ar gyfer Bil Aelod a gyflwynwyd yn ystod y Chweched Senedd:
Aelod sy'n Cynnig:
Teitl y Bil Arfaethedig:
Bil Economi Gydweithredol a Pherchnogaeth Gweithwyr (Cymru)
Amcanion Polisi y Bil:
Bydd y Bil yn gosod dyletswydd statudol ar Weinidogion Cymru i:
- Hybu twf yr economi gydweithredol yng Nghymru, gyda'r nod o’i dyblu o ran maint erbyn 2026;
- Hybu perchnogaeth gweithwyr o fusnesau a cheisiadau gweithwyr i brynu’r cwmni sy’n eu cyflogi;
- Darparu, yn ddarostyngedig i unrhyw gyfyngiadau ar reoli cymorthdaliadau, gymorth ariannol a chyngor i weithwyr brynu rhan neu’r cyfan o fusnes sy'n wynebu cau neu fynd yn llai o ran maint;
- Rhoi cyngor i weithwyr ar sefydlu cydweithfeydd gweithwyr;
- Hybu mabwysiadu perchnogaeth gweithwyr ymysg busnesau yng Nghymru sy'n cael cyllid cyhoeddus neu sy'n cael eu cyflogi i ddarparu nwyddau neu wasanaethau i gyrff cyhoeddus yng Nghymru.