Adroddiad Blynyddol a Chyfrifon 2023-24

Rydym yn gwasanaethu’r Senedd i hwyluso ei llwyddiant hirdymor fel senedd gref, hygyrch, gynhwysol a blaengar sy’n gweithredu’n effeithiol ar gyfer pobl Cymru.

Mae ein Hadroddiad Blynyddol a Chyfrifon yn manylu sut rydym wedi datblygu gwaith ar flaenoriaethau Comisiwn y Senedd o dan ein nodau strategol.

Yn ogystal ag amlinellu ein perfformiad a'n cyflawniadau, mae'r adroddiad yn rhoi trosolwg o'n gweithgareddau dros y flwyddyn. Mae'n disgrifio sut y mae penderfyniadau’n cael eu gwneud a sut y mae adnoddau’n cael eu defnyddio. Mae ein cyfrifon yn rhan sylweddol o’r adroddiad, ac maent wedi’u llunio yn unol â chanllawiau Trysorlys EM a’u hardystio gan Archwilydd Cyffredinol Cymru.

Mae newid wedi bod yn nodwedd o'r flwyddyn ddiwethaf mewn ystyr wleidyddol a seneddol.

—
Y Gwir Anrhydeddus Elin Jones AS
Y Llywydd, Senedd Cymru

Darllenwch y rhagair

Mae'r flwyddyn ddiwethaf wedi bod yn un o newid mawr, o arloesi, ac yn flwyddyn lle rydym wedi gweld y Senedd yn dod yn fwy a mwy o ganolbwynt i fywyd cyhoeddus Cymru.

—
Manon Antoniazzi
Prif Weithredwr a Chlerc y Senedd

Darllenwch y cyflwyniad

Rydym yn ymdrechu i ddarparu cymorth seneddol o’r radd flaenaf, sicrhau bod dinasyddion wrth wraidd popeth a wnawn a defnyddio adnoddau'n gynaliadwy.

Edrychwch ar y cynnydd rydym wedi'i wneud eleni tuag at ein nodau.

Darllenwch fwy am ein perfformiad eleni

Mae ein fframwaith llywodraethu yn nodi'r ffordd y mae Comisiwn y Senedd yn cael ei lywodraethu a'i reoli. Ynghyd â sut mae'n atebol am yr hyn y mae'n ei wneud.

Darllenwch fwy am y sicrwydd ynghylch effeithiolrwydd fframwaith llywodraethu'r Comisiwn o ran cyflawni ein nodau strategol.

Darllenwch drwy’r adroddiad

Defnyddir ein cyllideb i dalu costau rhedeg y Senedd, yn ogystal â chostau sy’n gysylltiedig ag Aelodau o’r Senedd, fel y’u pennir gan y Bwrdd Taliadau Annibynnol.

Mae'r adroddiad blynyddol yn cynnwys gwybodaeth am ein perfformiad ariannol a gweithredol.

Darllenwch y perfformiad ariannol

Mae creu gweithle parchus, amrywiol a chynhwysol nid yn unig o fudd i’n gweithwyr ond hefyd yn gwella ein gallu i gynrychioli ac ymgysylltu’n well â phobl Cymru wrth gefnogi gwaith Senedd gynhwysol.

Darllenwch fwy am sut rydyn ni'n creu amgylchedd cynhwysol

Bob blwyddyn, rydym yn casglu, yn dadansoddi ac yn cyhoeddi data amrywiaeth ar broffil ein gweithlu, gweithgarwch recriwtio a chyflog staff.

Mae'r wybodaeth hon yn llywio ein hymagwedd at fod yn recriwtiwr a chyflogwr cynhwysol, er mwyn diwallu anghenion amrywiol staff, ac i geisio sicrhau bod ein gweithlu yn cynrychioli amrywiaeth y cyhoedd yr ydym yn eu gwasanaethu.

Darllenwch ein hadroddiad ar y gweithlu yn llawn

Nid yw ein hymrwymiad i ddarparu gwasanaethau dwyieithog o’r radd flaenaf wedi newid. Nac ychwaith ein hymrwymiad i fod ar flaen y gad o ran datblygiadau mewn technoleg iaith, a gweithio’n ddwyieithog.

Rydym yn rhannu ein cynnydd, fel y gallwch chi ymuno â ni ar y daith hon.

Darllenwch am ein hymrwymiad i weithio'n ddwyieithog

Rydym wrthi’n paratoi ar gyfer dyfodol carbon isel, drwy weithio i wneud ôl troed gweithrediadau’r Senedd yn garbon niwtral erbyn 2030.

Gan ganolbwyntio ar wneud dewisiadau cynaliadwy – ynghyd â chynlluniau i gyflenwi gwres carbon isel i'n hadeiladau – rydym yn parhau i wneud cynnydd ar ein nodau.

Darllenwch fwy am ein cynnydd