Ein Pobl

Pwrpas Staff y Senedd yw cefnogi'r Senedd i sicrhau ei fod yn gweithredu’n llwyddiannus fel corff democrataidd.

Mae’n gweithredu dan gyfarwyddyd a chyfeiriad y Llywydd a phedwar Aelod o'r Senedd arall sy’n cynrychioli’r pleidiau gwleidyddol eraill. Caiff gweithrediadau o ddydd i ddydd eu dirprwyo i Glerc a Phrif Weithredwr y Senedd.

Mae hyn yn cynnwys ystod eang o weithgareddau yn cynnwys:

Darparu swyddfeydd, cyfleusterau, cyfarpar a gwybodaeth y mae eu hangen ar Aelodau’r Senedd i wneud eu gwaith;
Cefnogi Pwyllgorau’r Senedd a’r Cyfarfod Llawn drwy roi cyngor ar weithdrefnau, cyngor cyfreithiol a chyngor arall;
Darparu gwasanaethau cyfieithu, cyfieithu ar y pryd a gwasanaethau cofnodi sy’n sicrhau y gall y Senedd weithredu yn Gymraeg a Saesneg;
Darparu gwybodaeth ac addysg am y Senedd i’r cyhoedd; a
Darparu gwybodaeth ac addysg i’r cyhoedd am rôl seneddol y Senedd a thrwy drefnu ymweliadau â’r Senedd ac oddi yno.

Nid gweision sifil yw staff y Senedd. Maent yn annibynnol o’r Llywodraeth a gweithredant yn ddiduedd ar ran y Senedd.

Swyddi yng Nghomisiwn y Senedd

Mae Comisiwn y Senedd yn cyflogi oddeutu 460 o staff sy’n gyfrifol am ddarparu gwasanaethau cefnogi i’r 60 Aelod o'r Senedd. Rydym yn cyflogi pobl sydd ag ystod eang o ddoniau mewn meysydd fel:

Gweinyddu
Technoleg Gwybodaeth
Gwasanaethau Clercio
Cyfreithiol
Datblygu Polisi Corfforaethol
Gwasanaethau Llyfrgell
Cyfathrebu Allanol

Gwybodaeth i’r Cyhoedd ac Addysg
Rheoli Digwyddiadau
Ymchwil
Rheoli Cyfleusterau
Diogelwch
Gwasanaethau Ariannol

Sylwadau gan ein staff

Delyth Lewis

Evan Jones

Rhiannon Hincks

Robin Wilkinson

Delyth Lewis - Rheolwr Prosiect Senedd Ieuenctid

Mae’r Cynulliad yn lle gwych i weithio, o’r cydweithwyr rhyfeddol i’r heriau gwahanol a’r cyfleoedd i wthio ffiniau’r hyn sy’n bosibl, rydych yn cael eich atgoffa bob dydd o’ch rhan chi yn y gwaith o sicrhau bod democratiaeth Cymru yn ffynnu ac yn berthnasol i bobl Cymru.

https://prep.senedd.wales/comisiwn/gweithio-i-gomisiwn-y-senedd/ein-pobl/delyth-lewis-testimonial/

Evan Jones - Swyddog Cymorth Pwyllgor

Rwyf wedi cael cymaint o gefnogaeth gan fy nghydweithwyr yn yr adran ac ar draws y sefydliad o’r cychwyn cyntaf. Mae’n lle hynod gyfeillgar! Mae cymaint o gyfleoedd i weithio ar brosiectau a dysgu pethau newydd. Rwyf wrthi’n dysgu Cymraeg yma, ac mae’r adnoddau sydd ar gael i wneud hyn yn wych.

https://prep.senedd.wales/comisiwn/gweithio-i-gomisiwn-y-senedd/ein-pobl/evan-jones-testimonial/

Rhiannon Hincks - Cyfieithydd ar y Pryd a Golygydd

I fi, y peth gorau am weithio ar y Cofnod yw bod pob darn o waith y byddwch yn ei gwblhau yn gyfraniad gwerthfawr at yr un campwaith mawr y byddwch yn ei gynhyrchu fel tîm. Mae’n wych gwybod bod eich gwaith yn cael ei ddefnyddio fel adnodd gwerthfawr i wleidyddion a’i fod yn ddarn pwysig o lenyddiaeth ddemocrataidd i’r cyhoedd ac mae’n bleser gallu defnyddio’ch sgiliau ieithyddol i gyflawni hyn bob dydd.

https://prep.senedd.wales/comisiwn/gweithio-i-gomisiwn-y-senedd/ein-pobl/rhiannon-hincks-testimonial/

Robin Wilkinson - Uwch-Swyddog Ymchwil

Mae'r Gwasanaeth Ymchwil yn cynnig amgylchedd cefnogol sydd wedi fy annog i ddatblygu'r sgiliau sydd eu hangen arnaf i wneud y gwaith yn dda – p'un a yw hynny'n golygu mynd i gynadleddau arbenigol neu gymryd amser yn cwrdd â rhanddeiliaid fel fy mod yn gallu dod i ddeall meysydd newydd cymhleth.

Find Out More

Efallai y bydd gennych ddiddordeb hefyd

Gweler swyddi gwag diweddaraf y Comisiwn

Dyma'r rolau cyfredol diweddaraf sydd ar gael yn gweithio i Gomisiwn y Senedd

Amrywiaeth a Chynhwysiant

Rydym am barhau i fod yn sefydliad cynhwysol, lle mae ein cyfleoedd cyflogaeth yn agored i bawb a lle y gall pobl Cymru ymgysylltu â'n gwaith. Darllenwch fwy i ganfod sut rydym yn cynnwys amrywiaeth a chynhwysiant ym mhopeth rydym yn ei wneud.

Statws presennol