Gweithiwr Achos i Elin Jones AS
Ystod cyflog:£26,153 - £38,039 pro-rata
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd cyflog uchaf y raddfa ar gyfer eu band.
Oriau gwaith: 37 awr llawn-amser (ystyrir oriau hyblyg)
Lleoliad: Lleoliad y Swyddfa Etholaeth: 32 Heol y Wig, Aberystwyth, SY23 2LN. (Ystyrir gweithio hyblyg/o adre).
Natur y penodiad: Parhaol
Cyf: MBS-035-24
Diben y swydd
Prif rôl y Gweithiwr Achos fydd gweithio'n agos gydag etholwyr Ceredigion i'w cynorthwyo gydag amrywiaeth o broblemau. Bydd trafod ar y ffôn ac ar ebost gyda phobol Ceredigion yn allweddol i’r swydd ac yna cyd-weithio gyda Elin a’r tîm i ddod o hyd i ddatrysiadau.
Yn ogystal â chefnogi Elin yn ei swydd, bydd y Gweithiwr Achos hefyd yn mynychu cyfarfodydd, yn ymchwilio ac yn ymateb i ymholiadau, gan weithio fel rhan allweddol o'r tîm.
Prif ddyletswyddau
- Ymateb i ymholiadau gan etholwyr.
- Rheoli a chynnal system gwaith achos gan sicrhau bod pob achos yn cael ei logio; monitro'r cynnydd a wneir a sicrhau bod yr holl gamau gweithredu a nodir yn cael eu cymryd.
- Digideiddio hen waith achos, a chael gwared o’r ffeiliau copiau caled o’r swyddfa yn unol a’r rheolau gwarchod data, erbyn 2026.
- Drafftio llythyron, nodiadau briffio ac unrhyw ddogfennau eraill ar ystod o faterion ar gais yr Aelod o’r Senedd.
Gwybodaeth a Phrofiad Hanfodol
- Y gallu i weithio ac ysgrifennu i safon uchel yn y Gymraeg a’r Saesneg.
- Y gallu i wneud gwaith gweinyddol ac i weithio yn ddigidol
- Gwybodaeth am faterion sy'n berthnasol i'r ardal leol, a dealltwriaeth ohonynt
- Dealltwriaeth o'r angen i fynd i'r afael â gwahaniaethu ac i hyrwyddo cyfle cyfartal ac egwyddorion Nolan ar gyfer bywyd cyhoeddus, ac ymrwymiad iddynt
Cymwysterau Hanfodol
- Gradd neu gymhwyster cyfatebol mewn pwnc perthnasol; neu
- Cymhwyster NVQ lefel 3 neu 4 neu gymhwyster cyfatebol mewn pwnc perthnasol; neu
- Dystiolaeth o sgiliau rhifedd a llythrennedd e.e. TGAU Saesneg a Mathemateg (neu gymwysterau cyfatebol).
Fe'ch cynghorir i ddarllen Manyleb y Swydd a'r Person yn llawn cyn gwneud cais am y swydd hon
Am ragor o wybodaeth ac i wneud cais, anfonwch ffurflen gais i Branwen.Davies@senedd.cymru.
Dyddiad cau: 13:00, 8 Tachwedd 2024
Dyddiad cyfweliad: 15 Tachwedd 2024
