Rheolwr Cyfryngau Cymdeithasol i Grŵp y Ceidwadwyr Cymreig
Ystod cyflog: £30,520- £42,811 (band 1).
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd hyd nes eu bod yn cyrraedd yr uchafswm graddfa ar gyfer eu band.
Oriau gwaith: 37 (Amser llawn)
Natur y penodiad: Dros dro, gydag opsiwn i'w gwneud yn barhaol
Lleoliad: Tŷ Hywel, Bae Caerdydd
Cyf: MBS-033-24
Diben y swydd
Gweithio fel rhan o’r tîm cyfathrebu i hyrwyddo Arweinydd ac Aelodau Grŵp y Ceidwadwyr Cymreig yn y Senedd ar y cyfryngau cymdeithasol, yn ogystal â chynnig cyngor ymarferol i Aelodau unigol ar sut i wneud y mwyaf o’u presenoldeb ar-lein.
Prif ddyletswyddau
- Arwain ar ddarparu cyfryngau cymdeithasol ac ar-lein rhagweithiol a diddorol i hyrwyddo gwaith Arweinydd ac Aelodau Grŵp Ceidwadwyr Cymru yn Senedd Cymru.
- Gwneud y mwyaf o'r defnydd o gyfryngau newydd, gan ddefnyddio'r ystod lawn o opsiynau sydd ar gael gan gynnwys fideos, graffeg, llwyfannau byw a blogiau, i ehangu cyrhaeddiad gwaith Ceidwadwyr Cymreig sy’n Aelodau o’r Senedd.
- Cynllunio, datblygu chwblhau ymgyrchoedd ar y cyfryngau cymdeithasol a’r cyfryngau ar-lein sy’n ymwneud â busnes y Senedd.
- Trafod ag Aelodau o’r Senedd y Ceidwadwyr Cymreig a’u swyddfeydd i nodi unrhyw agweddau ar eu gwaith a allai fod o ddiddordeb ar y cyfryngau cymdeithasol.
Gwybodaeth a phrofiad hanfodol
- Profiad o weithio’n effeithiol gan ddefnyddio’r cyfryngau cymdeithasol a’r cyfryngau ar-lein, yn ddelfrydol mewn amgylchedd gwleidyddol neu amgylchedd tebyg.
- Profiad ymarferol y gellir ei ddangos, a dealltwriaeth o ddatblygu a gweithredu strategaethau cyfathrebu digidol ac o drefnu ymgyrchoedd ar y cyfryngau cymdeithasol a’r cyfryngau ar-lein.
- Profiad o dwf organig o ddilynwyr a chyrhaeddiad ar gyfryngau cymdeithasol, gan ddangos dealltwriaeth o algorithmau cyfryngau cymdeithasol.
- Gwybodaeth a dealltwriaeth o dechnegau trin y cyfryngau digidol, yn arbennig ar gyfer y cyfryngau cymdeithasol prif ffrwd, gan gynnwys Facebook, Twitter, Instagram a Tiktok.
Cymwysterau Hanfodol
- Gradd neu gymhwyster cyfatebol mewn pwnc perthnasol, neu
- gymhwyster ffurfiol, e.e. NVQ lefel 4 neu gymhwyster cyfatebol yn y cyfryngau neu ym maes cyfathrebu.
Fe'ch cynghorir i ddarllen Manyleb y Swydd a'r Person yn llawn cyn gwneud cais am y swydd hon
I gael manylion am y swydd a i wneud cais, cysylltwch â Paul.Smith@senedd.cymru
Dyddiad cau: 23:59, 13 Tachwedd 2024
Dyddiad cyfweliad: I'w gadarnhau
