Swyddog Polisi ac Ymchwil ar gyfer Dafydd Trystan Davies AS
Ystod cyflog (pro rata): £33,233 - £42,727
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.
Oriau gwaith: 37 awr yr wythnos
Natur y penodiad: Parhaol
Lleoliad: Senedd Cymru a/neu swyddfa etholaethol Caerdydd
Cyfeirnod: MBS-032-26
Diben y swydd:
Bydd Swyddog Polisi ac Ymchwil Band 2 sy’n gweithio i Aelod o'r Senedd (Aelodau) yn ymgymryd â gwaith ymchwil polisi manwl, yn drafftio papurau briffio ac yn cefnogi gwaith deddfwriaethol. Bydd yn gweithredu fel cynghorydd i'r Aelod ar faterion polisi, yn helpu i lunio strategaethau gwleidyddol, ac yn ymgysylltu â rhanddeiliaid.
Prif ddyletswyddau:
- Gwneud gwaith ymchwil manwl ar ddeddfwriaeth, meysydd polisi a mentrau'r Llywodraeth.
- Drafftio a chyflwyno cwestiynau, cynigion, areithiau a gwelliannau ar gyfer y Senedd.
- Cysylltu â melinau trafod, elusennau, grwpiau eiriolaeth a busnesau i gasglu gwybodaeth gan arbenigwyr.
- Gall oruchwylio neu gydlynu staff ymchwil iau neu interniaid i sicrhau allbwn ymchwil o safon.
Gwybodaeth a phrofiad hanfodol:
- Dealltwriaeth gref o'r fframweithiau cyfreithiol a rheoleiddiol y mae’r Aelodau a’r Grwpiau yn gweithredu ynddynt. Mae hyn yn cynnwys fframweithiau’r Senedd (safonau ymddygiad, gwariant ac ati), yn ogystal â fframweithiau ehangach a chyffredinol, a’r gallu i ddarparu cyngor gwybodus i’r Aelod a chydweithwyr ar y materion hyn.
- Sgiliau dadansoddi ac ymchwil cryf gyda'r gallu i ddehongli deddfwriaeth a data cymhleth.
- Cyfathrebu ysgrifenedig a llafar rhagorol gyda'r gallu amlwg i lunio adroddiadau a phapurau briffio clir ac argyhoeddiadol.
- Dealltwriaeth o brosesau gwleidyddol a phrosesau’r Senedd gan gynnwys gwaith llunio polisïau a gweithdrefnau deddfwriaethol.
Cymhwysterau hanfodol:
- Yn dangos profiad amlwg o amrywiaeth o weithdrefnau gwaith sy’n deillio o brofiad gwaith perthnasol a/neu gymhwyster galwedigaethol – e.e. gradd, NVQ neu gymhwyster cyfatebol mewn pwnc perthnasol.
Awgrymir eich bod yn darllen manylebau’r swydd a’r person cyn gwneud cais am y swydd hon. I gael manylion am y swydd ac i geisio am y swydd, cysylltwch â Dafydd.TrystanDavies@senedd.cymru
Sylwer bod y rôl hon yn cael ei hysbysebu fel swydd llawn amser, 37 awr yr wythnos. Mae’r Aelod sy’n hysbysebu’r rôl wedi ymrwymo i weithio gydag Aelodau etholedig eraill ei blaid i’r etholaeth maen nhw’n ei chynrychioli. Gall y rôl fod yn benodiad unigol gan yr Aelod sy’n hysbysebu, Aelod arall o’r etholaeth honno, neu gellir rhannu cyflogaeth rhwng mwy nag un Aelod.
Yn ogystal â Dafydd Trystan Davies yr Aelodau eraill o’r blaid sy’n cynrychioli etholaeth a all benodi i’r rôl hon yw: Zaynub Akbar, a Nick Carter