Cyfle Gwaith: Uwch-gynghorydd i Julie James AS

Uwch-gynghorydd i Julie James AS

Ystod cyflog (pro rata): £40,845 - £49,752

Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.

Oriau gwaith: 37
Natur y penodiad: Parhaol
Lleoliad: Swyddfa'r Etholaeth / Adref
Cyfeirnod MBS: MBS-056-24

Diben y swydd:

Swyddogaethau craidd y Senedd yw cynrychioli buddiannau Cymru a’i phobl, deddfu ar gyfer Cymru, cytuno ar drethi yng Nghymru a dwyn Llywodraeth Cymru i gyfrif. Mae'r Senedd yn cyflawni ei brif swyddogaethau yn bennaf drwy ei fusnes ffurfiol yn y Cyfarfod Llawn ac yng nghyfarfodydd y pwyllgorau. Y swyddogaethau hyn yw dwyn Llywodraeth Cymru i gyfrif, trafod a datblygu syniadau polisi, a cheisio gwella cynigion deddfwriaethol, cynigion polisi a chynigion gwariant drwy graffu arnynt.
Bwriad rôl yr Uwch-gynghorydd yw ychwanegu dimensiwn arall at y cyngor a'r cymorth sydd ar gael i Aelodau'r Senedd wrth iddynt ymgymryd â'r gwaith hwn. 

Prif ddyletswyddau: 

1. Rhoi cyngor arbenigol fel arbenigwr mewn maes penodol;
2. Rhoi cyngor ar faterion polisi, cyllid a deddfwriaeth gerbron y Senedd, ac unrhyw agwedd arall ar fusnes y Senedd;
3. Canfod materion lleol, cenedlaethol a rhyngwladol sy'n berthnasol i fusnes y Senedd, a briffio'r Aelod yn unol â hynny;
4. Cyfrannu at y broses o feddwl am bolisïau a'u cynllunio, gan gynnwys materion sy'n deillio o waith achos yr Aelod neu unrhyw weithgarwch arall yn yr etholaeth 

Gwybodaeth a phrofiad hanfodol:

• Profiad o weithio'n effeithiol mewn amgylchedd gwleidyddol, gan gynnwys datrys materion cymhleth gyda synnwyr cyffredin a doethineb;
• Cyfrifoldeb am reoli tîm aml-ddisgybledig o staff sydd â hanes profedig o sicrhau canlyniadau;
• Gwybodaeth arbenigol mewn maes perthnasol, a phrofiad o ddatblygu polisïau a strategaethau o fewn y maes;
• Dealltwriaeth o frwydro yn erbyn gwahaniaethu a hyrwyddo cyfle cyfartal, ac ymrwymiad i'r rheini ac i Egwyddorion Bywyd Cyhoeddus Nolan.

Cymhwysterau hanfodol: 

• Gradd neu gymhwyster cyfatebol mewn pwnc perthnasol.
• Cymhwyster NVQ lefel 4 neu gymhwyster cyfatebol mewn pwnc perthnasol

Sgiliau ac ymddygiadau hanfodol:

Awgrymir eich bod yn darllen manylebau’r swydd a’r person cyn gwneud cais am y swydd hon. I gael manylion am y swydd ac i geisio am y swydd, cysylltwch â Julie.James@senedd.cymru 

Pe bai’r Aelod Senedd yn ymddiswyddo, neu ei fod yn peidio â chael ei ethol yn dilyn etholiad, bydd y swydd hon yn ddiangen. O ran swyddi o fewn Grŵp y blaid, pe bai newid o ran Arweinydd y Blaid, neu yn nifer Aelodau’r Grŵp, gallai’r swydd hon fod yn ddiangen.

• Manyleb y person a'r swydd
• Ffurflen gais
• Gwybodaeth Bwysig
• Buddion gweithio i Aelod

Dyddiad cau: 04 Mawrth 2025
Dyddiad cyfweliad: i'w gadarnhau