Cafodd diwrnod o fyfyrio cenedlaethol ei gynnal ar ddydd Mawrth 23 Mawrth 2021, i gofio’r bywydau a gollwyd i COVID-19, i ddangos cydymdeimlad â’r teuluoedd sy’n galaru ac i ddiolch i’r bobl sydd wedi gweithio’n ddiflino i ofalu a’n cadw’n ddiogel.
Roedd y diwrnod yn nodi blwyddyn ers i’r cyfnod clo cyntaf ddod i rym. Yn ogystal â chofio'r bywydau a gollwyd, roedd munud o dawelwch am hanner dydd yn gyfle i bawb ystyried effaith y pandemig ar fywydau pob un ohonom.
Ynghyd â dwsinau o adeiladau adnabyddus yng Nghymru, cafodd y Senedd ei goleuo yn felyn er cof am y pobl fu farw ac sydd wedi dioddef.
![Mark Drakeford AS, Prif Weinidog - Cofio Covid](/media/kl1d0bcg/covid-commemoration-mark-drakeford-copy.jpg?center=0.28288964326127092,0.48552347357365094&mode=crop&width=600&height=284&rnd=132611459303000000)
Y Senedd oedd canolbwynt y coffau yng Nghymru, wrth i’r Prif Weinidog Mark Drakeford AS arwain y teyrngedau mewn digwyddiad a ddarlledwyd yn fyw ar BBC One Wales a S4C.
![Blodau Cofio Covid](/media/t5nig4n2/covid-commemoration-flowers.jpg?center=0.64759125826237129,0.49543211589148056&mode=crop&width=600&height=284&rnd=132611460590330000)
Wrth dalu teyrnged a chofio aberth y flwyddyn ddiwethaf, gosododd Llywydd y Senedd, Elin Jones AS dorch o flodau ar risiau'r Senedd.
![Cofio Covid, Elin Jones AS Llywydd](/media/zipnfh1j/covid-commemoration-llywydd-elin-jones-1-copy.jpg?center=0.30515261352049361,0.49047779473256575&mode=crop&width=600&height=284&rnd=132611461345900000)
Meddai Llywydd y Senedd, Elin Jones AS:
“Mae heddiw yn gyfle i ddangos undod ac empathi fel cenedl, fel rydyn ni wedi gwneud lawer gwaith yn ystod y flwyddyn, ac fel mae'n rhaid i ni barhau i wneud. Mewn misoedd a blynyddoedd i ddod, bydd llawer o gyfleoedd inni fel Senedd fyfyrio ar effaith y pandemig ar bob agwedd ar fywyd Cymru. Ac i ddylunio dyfodol ein cenedl.
“Ac wrth i ni gyd-drafod a dychmygu dyfodol ein cenedl, ac wrth i’r haul ddod eto ar fryn, byddwn yn cofio’r bywydau a gollwyd a’r bywydau a newidiwyd am byth gan y clefyd hwn.”
![Cofio Covid Andrew RT Davies AS](/media/gwmeqybc/covid-commemoration-andrew-rt-davies-1.jpg?center=0.30515261352049361,0.50534075820931013&mode=crop&width=600&height=284&rnd=132611462056870000)
Roedd teyrngedau hefyd gan arweinydd y Ceidwadwyr Cymreig, Andrew RT Davies AS, ac Adam Price AS, arweinydd Plaid Cymru.
![Cofio Covid Adam Price AS](/media/1iemhd5d/covid-commemoration-andrew-rt-davies-2.jpg?center=0.33492360020541978,0.50038643705039532&mode=crop&width=600&height=284&rnd=132611462658570000)
Fe wnaeth Ifor ap Glyn, Bardd Cenedlaethol Cymru, ddarllen cerdd a gomisiynwyd yn arbennig.
![Cofio Covid, Ifor ap Glyn](/media/jktlh3bu/covid-commemoration-llywydd-elin-jones-2-copy.jpg?center=0.28982922370357156,0.49047779473256575&mode=crop&width=600&height=284&rnd=132611463384600000)