Mae Deddf Llywodraeth Cymru 2006 yn rhagnodi bod rhaid i'r Cynulliad enwebu Prif Weinidog o fewn 28 diwrnod o ddyddiad yr etholiad, h.y. erbyn diwedd 1 Mehefin 2016. Enwebir y Prif Weinidog gan y Cynulliad, gyda'r Llywydd yn cyflwyno'r enwebiad i'w Mawrhydi ar gyfer ei gymeradwyo. Os nad yw'r Cynulliad yn enwebu Prif Weinidog o fewn 28 diwrnod o'r etholiad, rhaid i etholiad cyffredinol arall gael ei gynnal yng Nghymru.
Mae'r Prif Weinidog blaenorol yn parhau yn y swydd hyd nes y bydd Ei Mawrhydi yn penodi'r Prif Weinidog newydd.
Caiff y Prif Weinidog newydd, gyda chymeradwyaeth Ei Mawrhydi, benodi Gweinidogion Cymru.
Yn y Cyfarfod Llawn a gynhaliwyd ar 11 Mai enwebwyd dau ymgeisydd; roedd hynny yn golygu galw cofrestr yr Aelodau.
Arweiniodd y broses honno at ganlyniad cyfartal. Ym marn y Llywydd, ni fyddai galw'r gofrestr eto er mwyn ethol Prif Weinidog wedi arwain at ganlyniad gwahanol, ac felly gohiriwyd y cyfarfod.
Yn unol â Rheol Sefydlog 8.3, y busnes cyntaf yn y Cyfarfod Llawn nesaf fydd galw'r gofrestr eto oni bai bod un o'r ymgeiswyr yn nodi ei fod am dynnu ei enwebiad. Os felly, yr ymgeisydd arall gaiff enwebiad y Cynulliad.
Canlyniad yr enwebiad
Yn syth ar ôl i rywun gael ei enwebu ar gyfer ei benodi yn Brif Weinidog, gall y Llywydd wahodd y person hwnnw i draddodi araith.
Bydd y Llywydd yn argymell i'w Mawrhydi ar unwaith y dylai'r Aelod a enwebwyd gan y Cynulliad gael ei benodi'n Brif Weinidog.
Gallwch weld ein hamserlen lawn o fusnes cynnar y Cynulliad yma.