Cheryl Beer a Choedwigoedd Glaw Cymru
Noddir gan Lee Waters AS
Dyddiadau: 21 Mehefin – 2 Gorffennaf
Lleoliad: Neuadd y Senedd
Mae Symffoni Coedwigoedd Glaw CÂN Y COED yn gwahodd cynulleidfaoedd i ymgysylltu â'r amgylchedd trwy gydweithrediad unigryw â natur, ac am y tro cyntaf, mae Coedwigoedd Glaw Cymru yn cyflwyno'u cân oddi tan y rhisgl i'r byd digidol.
Mae'r artist sain amgylcheddol a'r cyfansoddwr â nam ar y clyw, Cheryl Beer, wedi treulio'r flwyddyn ddiwethaf yn gweithio gyda Choedwigoedd Glaw hynafol Cymru, yn cyfansoddi cerddoriaeth dan arweiniad y systemau fasgwlaidd mewn pum clofan yn yr hyn sy’n weddill.
Mae ei gwaith yn aduno tiroedd Celtaidd hynafol a oedd gynt wedi’u cysylltu dan y pridd drwy edafedd mân, pluog o ffwng myceliwm, yn un goedwig law odidog, sydd bellach yn fregus ac yn dameidiog.
Trwy addasu cymhorthion clyw ac offer sain biofeddygol sensitif, mae Cheryl wedi coladu'r bio-rhythmau a grëwyd gan ddargludedd yn nyfnderoedd coed, rhedyn a mwsogl, a defnyddio’r darlleniadau hyn i gyfansoddi Symffoni lle mae pob nodyn o'r gerddoriaeth wedi'i arwain gan y coedwigoedd glaw hynafol eu hunain.
Mae CÂN Y COED yn Gomisiwn Unlimited Main a ariennir gan Gyngor Celfyddydau Cymru.
