Arddangosfa gan Gymdeithas Darlunwyr Botanegol Cymru
Noddir gan Lynne Neagle AS
Dyddiadau: 17 Ebrill – 28 Mai 2025
Lleoliad: Oriel y Dyfodol, y Pierhead
Fel rhan o Ddiwrnod Celfyddyd Fotanegol Fyd-eang (BAWW) ar 18 Mai 2025, mae Cymdeithas Darlunwyr Botanegol Cymru (WSBI) yn falch o gyflwyno’r arddangosfa hon sy’n dathlu ein planhigion treftadaeth lleol.
Nod yr arddangosfa yw hyrwyddo celf a darlunio botanegol, ac annog mwy o ddiddordeb mewn botaneg.
Drwy ddathlu bioamrywiaeth cnydau sydd wedi bod yn gysylltiedig â’r rhywogaeth ddynol ers miloedd o flynyddoedd, ein nod yw tynnu sylw at yr amrywiaeth anhygoel o blanhigion treftadaeth a ddefnyddir ar gyfer bwyd, meddygaeth, tecstilau a lliwiau.
Mae’r pwyslais ar rywogaethau bwyd yn ategu pa mor bwysig yw planhigion treftadaeth i’n hiechyd a’n hamgylchedd.
Ar hyn o bryd, mae llawer o amrywiaethau a rhywogaethau treftadaeth ond yn cael eu tyfu mewn niferoedd bach gan dyfwyr arbenigol. Wrth gwrs, mae hefyd lawer o rywogaethau o blanhigion gwyllt sy'n cael eu defnyddio ar gyfer bwyd ac mae chwilota wedi dod yn fwy poblogaidd yn y blynyddoedd diwethaf.
Mae'r arddangosfa hon yn un o bedair sy'n cael eu cynnal yn y DU, gyda'r lleill yn Birmingham; yr Eden Project, Cernyw; a Kew Gardens, Llundain.
Bydd yr arddangosfeydd rhyngwladol a’r DU ar gael ar-lein ac yn cael eu harddangos ar sgriniau yn arddangosfa Cymru.
