Mynd i gyfarfod pwyllgor yn y Senedd
Eisteddwch mewn cyfarfod pwyllgor a gweld sut mae Aelodau o'r Senedd yn trafod materion pwysig yn fanwl.
Mae'r rhain yn gyfarfodydd llai, fel arfer yn cynnwys 4 i 6 Aelod, lle trafodir pynciau fel addysg, newid hinsawdd, trafnidiaeth a gwasanaethau cyhoeddus.
Mae cyfarfodydd pwyllgor yn helpu i lunio penderfyniadau a dwyn Llywodraeth Cymru i gyfrif.
Beth sy'n digwydd mewn cyfarfod pwyllgor?
Yn ystod cyfarfod pwyllgor, efallai y byddwch yn gweld:
- Arbenigwyr a sefydliadau sy'n rhoi tystiolaeth
- Aelodau'n cwestiynu Gweinidogion neu swyddogion
- Trafodaethau manwl ar gyfreithiau a pholisïau arfaethedig
- Adroddiadau ac argymhellion yn cael eu datblygu
Darllenwch pa bwyllgorau sy'n cyfarfod.
Archebu Eich Sedd
Gallwch archebu seddi hyd at dair wythnos ymlaen llaw. Er ein bod yn argymell archebu lle, nid yw bob amser yn angenrheidiol, efallai y bydd seddi ar gael ar y diwrnod. Gofynnwch yn y dderbynfa pan fyddwch yn cyrraedd.
chevron_rightEr gwybodaeth:
- Mae rhai cyfarfodydd pwyllgor yn cael eu cynnal yn breifat ac nid ydynt yn agored i'r cyhoedd
- Mae archebion grŵp wedi'u cyfyngu i 10 o bobl er mwyn sicrhau mynediad teg
- Mae seddi yn cael eu cadw am 15 munud ar ôl yr amser archebu, yna maent yn cael eu rhyddhau i'r rhestr wrth gefn
- Os byddwch yn cyrraedd yn hwyr, rhowch wybod i ni wrth archebu fel y gallwn gadw eich sedd
- Os na fyddwch yn gallu dod, rhowch wybod i ni fel y gallwn gynnig eich sedd i rywun arall
Cyn i Chi Ymweld
- Dylech gyrraedd o leiaf 15 munud ymlaen llaw i fynd drwy'r gwiriadau diogelwch
- Rydym yn defnyddio sgrinio ar ffurf maes awyr, felly dewch ag eitemau hanfodol yn unig. Bydd yr holl fagiau ac eiddo yn cael eu sganio
Yn ystod y Cyfarfod
I helpu i gynnal amgylchedd parchus, dylech wneud y canlynol:
- Troi pob dyfais i'r modd tawel
- Peidio â chymryd lluniau na fideos
- Ceisio peidio â dod â bwyd, diod neu ddefnyddio e-sigaréts
- Ni ddylech gyrraedd dan ddylanwad alcohol na chyffuriau
- Peidio â siarad yn uchel na thorri ar draws y cyfarfod
- Peidio â pheri tramgwydd i ymwelwyr eraill
Gall ymddygiad aflonyddgar arwain at ofyn i chi adael.
