Gall dechrau deiseb newid bywydau pobl yn eich cymuned, a ledled Cymru.
Pleidleisiwyd dros ddeiseb i wella diogelwch dŵr ac atal boddi fel Deiseb y Flwyddyn 2023.Llongyfarchiadau i’r deisebydd Leeanne Bartley.
Enwebwyd pump o ddeisebau ar gyfer Deiseb y Flwyddyn 2023. Mae rhagor o wybodaeth am y deisebau i’w chael isod.
Un o'r ffyrdd mwyaf effeithiol o sicrhau bod eich llais yn cael ei glywed yw llofnodi neu ddechrau deiseb.
Mae pob deiseb gyda mwy na 250 o lofnodion yn cael ei thrafod yn y Pwyllgor Deisebau.
Os bydd deiseb yn cael 10,000 o lofnodion bydd yn cael ei hystyried ar gyfer dadl yn y Senedd.
Mae’r Pwyllgor Deisebau yn perthyn i bawb yng Nghymru. Gallai unrhyw un sy’n benderfynol o wneud gwahaniaeth weld eu deiseb yn cael ei hystyried neu ei thrafod yn y Senedd. Mae’r pum deiseb hon wedi cael effaith sylweddol – o godi ymwybyddiaeth i newid polisi Llywodraeth Cymru – gyda phob un yn gwneud gwahaniaeth i bobl yng Nghymru.
—
Jack Sargeant AS
Cadeirydd y Pwyllgor Deisebau
