Bob blwyddyn, bydd Llywodraeth Cymru yn cynllunio sut y bydd yn gwario arian cyhoeddus.
Caiff y wybodaeth hon ei chyhoeddi yng nghyllideb ddrafft y Llywodraeth.
Cyllideb Ddrafft Llywodraeth Cymru
Bydd y Pwyllgor Cyllid yn edrych ar y gyllideb ddrafft yn ei chyfanrwydd. Mae Pwyllgorau eraill yn edrych ar rannau o'r gyllideb ddrafft sy'n ymwneud â'u meysydd pwnc. Pwrpas y gwaith hwn yw archwilio cynlluniau gwariant.
Dyma’r hyn y bydd y Pwyllgorau’n ei ystyried:
- a yw’r cynlluniau'n glir
- a all Llywodraeth Cymru esbonio, a dangos, sut mae ei chynlluniau’n deg, a sut mae ei gwariant yn sicrhau gwerth am arian i bawb
Gall Pwyllgorau gynnig newidiadau i gynlluniau gwariant Llywodraeth Cymru.
Rhaid iddynt sicrhau eu bod yn esbonio sut y dylai’r newidiadau gael eu hariannu (e.e. os ydynt am wario mwy ar rywbeth, mae'n rhaid iddynt ddweud o ble y dylai'r arian hwn ddod).
Craffu ar wariant blaenorol Llywodraeth Cymru
Mae Pwyllgorau hefyd yn edrych ar sut mae’r Llywodraeth wedi gwario arian yn y gorffennol.
Mae hyn yn eu helpu i wneud awgrymiadau gwybodus am sut y gellir defnyddio arian yn well. Y Pwyllgor Cyfrifon Cyhoeddus a Gweinyddiaeth Gyhoeddus sy’n gwneud llawer o’r gwaith hwn.
Archwilio’r pwnc
Gweld holl Bwyllgorau’r Senedd
Gweld yr holl ymgynghoriadau sydd ar agor
Amserlen o gyfarfodydd y pwyllgorau
