Cyfle Gwaith: Is-swyddog y Wasg ar gyfer Swyddfa Grŵp Reform UK (3 swydd)
Ystod cyflog (pro rata): £26,345 – £33,873
Mae disgwyl i'r holl staff newydd ddechrau ar isafswm graddfa'r band cyflog priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.
Oriau gwaith: 22.2 awr yr wythnos
Natur y penodiad: Tymor Penodol am 6 mis gyda'r potensial i'w ymestyn yn dilyn perfformiad boddhaol.
Lleoliad: Y Senedd
Cyfeirnod: MBS-056-26
Diben y swydd:
Fel arfer, byddai Is-swyddog y Wasg, Band 3 sy’n gweithio i Grŵp Reform UK yn gyfrifol am gynorthwyo gyda'r ymdrechion cyfathrebu'n allanol. Cynorthwyo'r Grŵp i ledaenu negeseuon a gwybodaeth allweddol drwy ddatganiadau i'r wasg a'r cyfryngau cymdeithasol. Rhywfaint o waith gweinyddol gan gynnwys trefnu cyfweliadau â'r cyfryngau.
Prif ddyletswyddau:
- Monitro'r cyfryngau lleol a chenedlaethol am newyddion perthnasol.
- Cynorthwyo i ymateb i ymholiadau gan y cyfryngau a threfnu cyfweliadau.
- Cynhyrchu datganiadau i'r wasg.
Gwybodaeth a phrofiad hanfodol:
- Disgwylir iddynt loywi maes gwaith gweinyddol neu ymarferol; gallu ateb ystod safonol o ymholiadau gan eraill a gwybod pryd i atgyfeirio ymholiadau mwy cymhleth.
- [Diogelu data / diogelwch gwybodaeth] Gwybodaeth am y gyfraith ac arfer da sy'n gysylltiedig â diogelu data a diogelwch gwybodaeth.
- [Iechyd, diogelwch a lles] Profiad a dealltwriaeth ymarferol o’r gyfraith ac arfer da sy’n gysylltiedig ag iechyd, diogelwch a llesiant, gan gynnwys asesiadau risg, mesurau rheoli, a gwybod pryd i geisio cyngor cymwys.
Cymhwysterau hanfodol:
- Angen gallu dangos gwybodaeth neu brofiad o ystod o weithdrefnau gwaith yn seiliedig ar brofiad gwaith perthnasol a/neu gymhwyster galwedigaethol, er enghraifft, NVQ lefel 3 neu 4 neu gyfwerth mewn cyfryngau neu gyfathrebu.