Cyfle Gwaith: Uwch Gynghorydd i’r Prif Chwip ar gyfer Grŵp Reform UK
Ystod cyflog (pro rata): £42,904 - £55,159
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.
Oriau gwaith: 37 awr yr wythnos
Natur y penodiad: Parhaol
Lleoliad: Tŷ Hywel, Bae Caerdydd
Cyfeirnod: MBS-084-26
Diben y swydd:
Bydd Uwch-gynghorwr Polisi ac Ymchwil sy’n gweithio i Aelod o'r Senedd yn arbenigwr ym maes polisi ac ymchwil, a bydd yn chwarae rhan strategol wrth lunio safbwyntiau polisi, wrth arwain gwaith deddfwriaethol, ac wrth ddarparu cyngor gwleidyddol lefel uchel. Bydd yn arwain ym maes ymchwil, yn goruchwylio’r gwaith o ddatblygu polisïau, ac yn gweithredu fel cynghorydd allweddol i'r Aelod ar faterion cymhleth.
Prif ddyletswyddau:
- Gwneud gwaith ymchwil manwl ar ddeddfwriaeth, polisïau'r Llywodraeth a thueddiadau gwleidyddol.
- Drafftio a chyflwyno cwestiynau, cynigion, areithiau a gwelliannau yn y Senedd.
- Datblygu perthynas â melinau trafod, adrannau'r Llywodraeth, elusennau a grwpiau eiriolaeth. Gweithio gyda gwahanol ddeddfwrfeydd yn y DU.
- Drafftio darnau barn, datganiadau i'r wasg a datganiadau polisi ar gyfer y cyfryngau ac ar gyfer gweithgarwch allgymorth cyhoeddus.
- Goruchwylio gwaith staff lefel is, er mwyn sicrhau gwaith cyson sydd o ansawdd da
Gwybodaeth a phrofiad hanfodol:
- Profiad o weithio'n effeithiol mewn amgylchedd gwleidyddol, gan gynnwys datrys materion cymhleth mewn ffordd ddoeth a diplomyddol.
- Dealltwriaeth lawn o'r gyfraith a’r fframweithiau rheoleiddio y mae’r Aelodau a’r Grwpiau yn gweithredu o’u mewn. Mae hyn yn cynnwys fframweithiau’r Senedd (safonau ymddygiad, gwariant ac ati) yn ogystal â fframweithiau ehangach a chyffredinol. Y gallu i roi cyngor gwybodus i’r Aelodau a chydweithwyr.
- Arbenigedd sylweddol a gafwyd drwy gymhwyster proffesiynol neu academaidd neu brofiad cyfatebol, y gellir ei gymhwyso ym mhob sefyllfa sy’n berthnasol i bolisi ac ymchwil.
Cymhwysterau hanfodol:
- Gradd neu gymhwyster cyfatebol mewn pwnc perthnasol, neu brofiad addas arall.