Cyfle Gwaith: Uwch-ymchwilydd ar gyfer Grŵp Plaid Cymru
Ystod cyflog (pro rata): £39,274 - £50,496
Disgwylir i bob aelod newydd o staff ddechrau ar raddfa isaf y band priodol. Bydd staff unigol, yn amodol ar berfformiad boddhaol, yn symud i fyny'r raddfa bob blwyddyn ar y dyddiad y gwnaethant ddechrau yn eu swydd nes eu bod yn cyrraedd yr uchafswm graddfa ar gyfer eu band.
Oriau gwaith: 37 awr yr wythnos
Natur y penodiad: Parhaol
Lleoliad: Tŷ Hywel
Cyfeirnod: MBS-095-26
Diben y swydd:
Bydd Swyddog Polisi ac Ymchwil Band 1 sy’n gweithio i Aelod o'r Senedd yn arwain ar waith polisi ac ymchwil, a bydd yn chwarae rhan yn y broses o lunio safbwyntiau polisi ac yn ymgymryd â gwaith deddfwriaethol. Fel arfer, bydd yn arwain ar weithgarwch ym maes ymchwil a chraffu. Bydd yn goruchwylio’r gwaith o ddatblygu polisïau, ac yn gweithredu fel cynghorydd i'r Aelod ar faterion cymhleth.
Prif ddyletswyddau:
- Gwneud gwaith ymchwil manwl ar ddeddfwriaeth, polisïau'r Llywodraeth a thueddiadau gwleidyddol.
- Drafftio adroddiadau, papurau polisi, a dogfennau briffio i gefnogi gwaith yr Aelod.
- Dadansoddi materion etholaethol, cynigion y Llywodraeth ac adroddiadau pwyllgorau.
- Nodi heriau a chyfleoedd sy'n dod i'r amlwg o ran polisi, gan gynorthwyo’r broses o lunio ymatebion yr Aelod.
- Cynnal y safonau uchaf o gywirdeb a chysondeb yn eich gwaith ymchwil eich hun, a darparu cyfeiriad a chymorth i staff eraill
Gwybodaeth a phrofiad hanfodol:
- Profiad sylweddol o ddarparu gwaith ymchwil neu waith briffio mewn amgylchedd seneddol neu amgylchedd tebyg.
- Profiad o weithio’n uniongyrchol gyda phobl amlwg a dylanwadol mewn amgylchedd prysur.
- Dealltwriaeth lawn o'r gyfraith a’r fframweithiau rheoleiddio y mae’r Aelodau a’r Grwpiau yn gweithredu o’u mewn. Mae hyn yn cynnwys fframweithiau’r Senedd.
- Dealltwriaeth dda o bolisïau'r Llywodraeth, deddfwriaeth a gweithdrefnau'r Senedd.
- Dealltwriaeth o wahanol fodelau'r broses ymchwil a datblygu polisïau; yn ymwybodol o ba rai sy'n berthnasol i’r maes polisi a pham.
Cymhwysterau hanfodol:
- Gradd neu gymhwyster cyfatebol mewn pwnc perthnasol, neu brofiad addas arall.
- Cymhwyster NVQ Lefel 4 neu gyfwerth mewn pwnc perthnasol