Ymweliadau Addysgol i'r Senedd i Ysgolion Cynradd

Cewch brofiad dysgu unigryw a llawn hwyl yn y Senedd yn ein sesiynau rhad ac am ddim sy’n gysylltiedig â’r cwricwlwm.

Rydym yn cynnal un ysgol/clwstwr o ysgolion ar gyfer pob sesiwn, ac mae chwe slot sesiwn ar gael bob wythnos.   

Gall ysgolion ddewis pa thema yr hoffent i'r sesiwn ei chwmpasu o'r opsiynau isod. Er gwybodaeth, dim ond un sesiwn y gallwn ei chyflwyno fesul slot, ni waeth beth fo'r thema a ddewisir. 

Rydym yn cynnig cymhorthdal teithio i helpu gyda chostau sy’n gysylltiedig â thrafnidiaeth ar gyfer ymweliadau addysgol â'r Senedd, Bae Caerdydd. Os ydych yn bwriadu gwneud cais am gymhorthdal teithio, byddai'n ddefnyddiol cael y manylion cyfrif talu ar adeg archebu. 

Darllenwch ein canllaw i'ch helpu i gynllunio eich ymweliad. 

Ymchwiliwch i’r sesiynau

Mae sesiynnau themâu ychwanegol ar gael i'w harchebu ar ddydd Mawrth, dydd Mercher a dydd Iau am 10:00-12:00 a 13:00-15:00 ar brynhawn dydd Iau.

Sylwch y gallwn ddarparu ar gyfer un sesiwn yn unig fesul slot amser, felly nid yw argaeledd slotiau yn wahanol beth bynnag yw'r thema a ddewiswyd. Dewiswch y lluniau isod i ddysgu mwy, ac i archebu.

Ymweliad gan Senedd Ysgol neu Gyngor Ysgol Gynradd

Bydd cynrychiolwyr yn chwarae rôl gwaith AS mewn pwyllgor cyn cymryd rhan mewn dadl.

Y Gorffennol, y Presennol a’r Dyfodol

Addas ar gyfer disgyblion Blynyddoedd 5 a 6. Uchafswm 30 disgybl. Bydd dysgwyr yn archwilio gorffennol, presennol a dyfodol Cymru drwy ymweld â dau adeilad eiconig ym Mae Caerdydd, sef y Senedd a'r Pierhead.

Teacher with image of the Senedd Teacher with image of the Senedd Teacher with image of the Senedd Teacher with image of the Senedd

Senedd Gynaliadwy

 Addas ar gyfer disgyblion Blynyddoedd 5 a 6. Uchafswm 48 disgybl. Bydd y rhaglen hon yn galluogi disgyblion i archwilio deunyddiau a nodweddion dylunio'r Senedd.

Her y Ddraig

Addas ar gyfer disgyblion Blynyddoedd 3 a 4. Uchafswm 48 disgybl. Gan ddefnyddio ein llyfr gweithgaredd Llwybr y Ddraig, bydd dysgwyr yn archwilio adeilad a gwaith y Senedd.

Mae Gen i'r Pŵer

Addas ar gyfer disgyblion Blynyddoedd 5 a 6. Uchafswm 60 disgybl. Bydd dysgwyr yn archwilio beth mae'n ei olygu i fod yn ymgyrchydd a sut i godi eu llais mewn cymdeithas ddemocrataidd.

Pe bawn i’n Aelod o’r Senedd

Addas ar gyfer disgyblion blynyddoedd 5 a 6. Uchafswm 60 disgybl. Bydd y disgyblion yn cwblhau cyfres o heriau i ddarganfod sut y byddent yn dod i ben â bod yn Aelod o'r Senedd.

Os yw'r diwrnod o’ch dewis eisoes yn llawn

Mae croeso i chi ymweld o hyd. Cysylltwch â ni os hoffech drefnu;

  • Teithiau Sain
  • Teithiau Hunan-dywys
  • Teithiau Grŵp

Mae ein teithiau grŵp ar gael i ysgolion. Mae'r teithiau yn rhad ac am ddim, ond nid oes cymhorthdal teithio ar gael ar gyfer yr archebion hyn. I ddysgu mwy, ac i archebu taith, cliciwch yma. 

 

Ddim yn gallu ymweld â ni? Mi ddown ni atoch chi.

Mae gennym ystod o weithdai a chyflwyniadau am ddim ar gael ar-lein ac wyneb yn wyneb a hwylusir gan un o'n swyddogion addysg. I gael rhagor o wybodaeth ewch i'n tudalen ymweld â chi.

Fel arall, gallwch roi cynnig ar ein offeryn Taith Rithwir o'r Senedd.

Llawer o ddysgwyr hapus...

 

"Fe wnaeth y disgyblion fwynhau pob rhan.

Mae’n wych bod tîm y Senedd wedi egluro popeth yn dda a bod agwedd bywyd go iawn/ymarferol/gweledol ar bopeth.

Gwnaethom fwynhau ein hymweliad, diolch am eich amser - gwerthfawrogi'n fawr."

Cwricwlwm newydd, dim problem

Mae ein holl weithgareddau addysg yn gysylltiedig â chwricwlwm newydd Cymru.

Canfyddwch yr hyn y bydd disgyblion yn ei gael o’n holl weithgareddau yn y Senedd.

Cysylltiedig â'r cwricwlwm